ການເຄື່ອນໄຫວຕ່າງໆ

ແຈ້ງການທຶນການສຶກສາ

194032
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
80
328
1222
190797
4183
9293
194032
Your IP: 54.221.73.186
2017-12-15 13:49

 

 

ຮ້ານໄຊພອນ sport ແລະ ປະທານເດີ່ນບານສິນສະໄໜ ມອບຊຸດກິລາ ແລະ

ຊຸດກຳມະການລວມມູນຄ່າ ເກືອບ 2 ລ້ານກີບ

            ​ໃນ​ຕອນເຊົ້າວັນ​ທີ 29 ພະຈິກ ນີ້ ທີ່​ຫ້ອງ​ຮັບຮອງ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ​ໄດ້​ມີ​ພິທີ​ມອບ - ຮັບ ຊຸດກິລາ ແລະ ຊຸດກຳມະການ ຂຶ້ນຢ່າງເປັນທາງການ ໃນນີ້ ທ່ານ ໄຊພອນ ແກ້ວບົວລະພາ ເຈົ້າຂອງຮ້ານໄຊພອນsport ໄດ້ປະກອບສ່ວນ ຊຸດກິລາ ຈຳນວນ 17 ຊຸດ ລວມມູນຄ່າ 850.000 ກີບ ແລະ ທ່ານ ບົວລາ ຈັນທະສອນ ປະທານເດີ່ນເຕະບານສິນສະໄໜ ກໍ່ໄດ້ມອບຊຸດກຳມະການຕັດສິນກິລາ ຈຳນວນ 10 ຊຸດ ລວມມູນຄ່າ 500.000 ກີບ ​ໂດຍ​ແມ່ນ ​ທ່ານ ວັດທະນາ ໜັ້ນວິ​ໄລ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລ​ະ ກິລາ​ແຂວງ​ ​ໃຫ້​ກຽດ​ກ່າວ​ຮັບ ພ້ອມ​ດ້ວຍ​ຂະ​ແໜງ​ການ​ທີ່​ກ່ຽວຂ້ອງ​ເຂົ້າ​ຮ່ວມ​ເປັນ​ສັກຂີ​ພິຍານ​​ໃນ​ຄັ້ງ​ນີ້.

​​            ໃນ​ໂອກາດ​ດຽວ​ກັນ ທ່ານ ວັດທະນາ ໜັ້ນວິ​ໄລ ກໍ່​ໄດ້​ສະ​ແດງ​ຂອບ​ໃຈທັງສອງພາກສວ່ນ ທີ່ໃຫ້ຄວາມສຳຄັນໃນວຽກງານກິລາໂດຍສະເພາະແມ່ນການປະກອບສ່ວນໃນຄັ້ງນີ້ ເຊິ່ງທັງໜົດນີ້ກໍ່ເພື່ອນຳໃຊ້ເຂົ້າໃນການ ແຂ່ງຂັນກິລາມັດທະຍົມສຶກສາທົ່ວແຂວງ ເພື່ອເປັນການສະເຫຼີມສະຫຼອງ ແລະ ຂ່ຳນັບຮັບຕ້ອນວັນຊາດທີ 2 ທັນວາ ແລະ ເປັນການສ້າງຕົວນັກກິລາກະກຽມໃສ່ໃນການແຂ່ງຂັນທັງພາຍໃນ ແລະ ຕ່າງປະເທດ,  ສຳລັບຊຸດກິລາແມ່ນພວກເຮົາຈະມອບໃຫ້ ນັກກິລາທີ່ໄດ້ຮັບລາງວັນຊະນະເລີດຈຳນວນ 15 ຊຸດ ແລະ ນັກເຕະບານດີເດັ່ນ ຊາຍ - ຍິງ ຈຳນວນ 2 ຊຸດ, ໃນການຈັດກິດຈະກຳການແຂ່ງຂັນກິລາມັດທະຍົມໃນຄັ້ງນີ້ກໍ່ເພື່ອເປັນການສ້າງພື້ນຖານໃຫ້ກັບນັກຮຽນມັດທະຍົມລຸ້ນສືບທອດ ເພື່ອໃຫ້ເຂົາເຈົ້າມີຄວາມຊຳນານໃນການຫຼິ້ນ, ຮູ້ຈັກກົດກະຕິກາການແຂ່ງຂັນ ແລະ ຮູ້ໄດ້ເຖິງນ້ຳໃຈນັກກິລາ ແລະ ຄວາມຮັບຜິດຊອບ ໃນໂອກາດນີ້ກໍ່ຫວັງວ່າວຽກງານກິລາຈະໄດ້ຮັບການຊ່ວຍເຫຼືອຈາກບັນດາທ່ານໃນໄລຍະຕໍ່ໄປ.

 

ຂ່າວໂດຍ: ແຫຼັງຄຳ ບຸດນາໂຄກ