343532
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
66
238
550
342128
1404
7808
343532
Your IP: 54.92.148.165
2019-07-16 04:14

 

 ສກຂ ສາລະວັນ ເປີດງານແຂ່ງຂັນກິລາປະຈຳປີ 2018

            ໃນຕອນບ່າຍວັນທີ 2 ກຸມພານີ້ ທີ່ເດີ່ນສະໜາມແດງສະໂມສອນແຂວງ ສາລະວັນ ໄດ້ຈັດພິທີເປີດງານແຂ່ງຂັນກິລາປະຈຳປີ 2018 ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງໆສາລະວັນ, ທ່ານ ສີລິສັກ ຖະໜອມຮັກ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງ ສາລະວັນ, ມີທ່ານຄະນະປະຈຳພັກແຂວງ, ເຈົ້າເມືອງ, ກຳມະການພັກແຂວງ, ບັນດາຫົວໜ້າຫ້ອງການສຶກສາທິການ ແລະ ກິລາເມືອງ, ກ້ອນກຳລັງ 8 ຕົວເມືອງ, ກຸ່ມວັດທະນາທຳ-ສັງຄົມ, ກຸ່ມເສດຖະກິດ, ກຸ່ມພັກ-ພະນັກງານ, ກຸ່ມປົກປ້ອງກົດໜາຍ, ກຸ່ມລັດວິສາຫະກິດ, ກຸ່ມນັກສຶກສາ, ກອງດຸລິຍາງຈາກ ມສ ສາລະວັນ ແລະ ຕົວແທນກຳມະການ ພ້ອມດ້ວຍມວນຊົນຊາວແຂວງສາລະວັນເຂົ້າຮ່ວມ ຈຳນວນ 1.454 ຄົນ.

            ໃນພິທີ ທ່ານ ສີລິສັກ ຖະໜອມຮັກ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາ ກໍ່ໄດ້ໃຫ້ກຽດຂຶ້ນຜ່ານບົດລາຍງານການກະກຽມງານແຂ່ງຂັນກິລາປະຈຳປີ 2018 ເຊິ່ງທ່ານໄດ້ກ່າວວ່າ: ເພື່ອເປັນການກະກຽມເງື່ອນໄຂປັດໃຈຕ່າງໆໃນງານກິລາລະດັບຊາດໂດຍສະເພາະງານມະຫາກຳກິລານັກຮຽນມັດທະຍົມສຶກສາທົ່ວປະເທດຄັ້ງທີ 7 ທີ່ແຂວງ ສາລະວັນຮັບກຽດເປັນເຈົ້າພາບໃນປີ 2020, ທັງເປັນການແຂ່ງຂັນມິດຕະພາບເພື່ອເສີມສ້າງສຸຂະພາບປູກຈິດສໍານຶກໃຫ້ທຸກຄົນຮັກການອອກກໍາລັງກາຍເປັນການແລກປ່ຽນບົດຮຽນເຊິ່ງກັນ ແລະ ກັນ ດ້ານຍຸດທະວິທີ, ເຕັກນິກເພື່ອພ້ອມພາກັນຍົກລະດັບ ແລະ ເປັນການຄັດເລືອກຕົວນັກກິລາປະເພດຕ່າງໆ ເຂົ້າຮ່ວມງານມະຫາກໍາກິລາແຫ່ງຊາດຄັ້ງທີ 11 ທີ່ແຂວງຊຽງຂວາງໃນທ້າຍປີ 2018.ງານແຂ່ງຂັນກິລາປະຈຳປີ 2018 ໄດ້ຈັດໃຫ້ມີການແຂ່ງຂັນ 13 ປະເພດກິລາເຊິ່ງປະກອບມີ ບານເຕະຊາຍ-ຍິງ,ບານສົ່ງຊາຍ-ຍິງ, ກະຕໍ້ຊາຍ-ຍິງ, ເປຕັງຊາຍ-ຍິງ, ແລ່ນລານຊາຍ-ຍິງ, ດອກປີກໄກ່ຊາຍ-ຍິງ, ດິງເຊືອກຊາຍ-ຍິງ, ໜາກແລ້ຊາຍ-ຍິງ, ໜາກເສິກຊາຍ-ຍິງ, ມວຍ, ກ໊ອຟ, ຍິງໜ້າເກັກ ແລະ ປິ່ງປ້ອງຊາຍ-ຍິງ ຈໍານວນ 24 ລາຍການ  ເຊິ່ງຈະດໍາເນີນແຕ່ມື້ເປີດຈົນຮອດ ວັນທີ 30 ມີນາ ຈຶ່ງສຳເລັດ.

            ໃນໂອກາດດຽວກັນ ທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງໆ ສາລະວັນ ກໍ່ໄດ້ໃຫ້ກຽດກ່າວເປີດພິທີ ແລະ ໄດ້ກ່າວສະແດງຄວາມຊົມເຊີຍຕໍ່ຄະນະກໍາມະການຝ່າຍຕ່າງໆທີ່ທຸ້ມເທເຫື່ອແຮງ, ສະຕິປັນຍາ, ເວລາໃນການຈັດງານແຂ່ງຂັນກິລາປະຈໍາປີເທື່ອນີ້, ສະມາຄົມກິລາ-ກາຍຍະກໍາແຂວງ, ສະຫະພັນກິລາປະເພດຕ່າງໆ, ຜູ້ອຸປະຖໍາ, ຄະນະນໍາ, ຄູຝຶກ, ນັກກິລາທີ່ເດີນທາງມາຈາກເມືອງ,ພະແນກການ,ກົມກອງ,ສະຖາບັນການສຶກສາແລະປະຊາຊົນບັນດາເຜົ່າຊາວແຂວງສາລະວັນທີ່ໄດ້ອອກແຮງປະກອບສ່ວນເຂົ້າໃນການກະກຽມແລະສ້າງເງື່ອນໄຂຕ່າງໆເພື່ອເຮັດໃຫ້ງານແຂ່ງຂັນຄັ້ງນີ້ປະກົດຜົນເປັນຈິງ ທ່ານຍັງໄດ້ຮຽກຮ້ອງມາຍັງຄະນະນໍາ, ຄູຝຶກ, ນັກກິລາທຸກໆຄົນຈົ່ງຮັກສາລະບຽບວິໄນ, ກົດລະບຽບຕ່າງໆຂອງການແຂ່ງຂັນ, ມີຄວາມບຸກບືນອົດທົນ ແລະ ມີນ້ຳໃຈນັກກິລາຢ່າງແທ້ຈິງພ້ອມດຽວກັນນັ້ນກໍ່ຂໍໃຫ້ຄະນະກໍາມະການຈັດການແຂ່ງຂັນຈົ່ງເອົາໃຈໃສ່ ແລະ ຄຸ້ມຄອງການແຂ່ງຂັນ, ມີຄວາມເປັນທໍາ, ປອດໃສ, ຈົບງາມ, ມ່ວນຊຶ່ນມີໄມຕີຈິດທີ່ດີຕໍ່ກັນຮຽກຮ້ອງມາຍັງທຸກພາກສ່ວນ ຈົ່ງໃຫ້ການສະໜັບສະໜູນເຊິດຊູນ້ຳໃຈນັກກິລາເພື່ອພັດທະນາກິລາແຂວງສາລະວັນໃຫ້ມີຄວາມເຕີບໃຫຍ່ ແລະ ເຂັ້ມແຂງເທື່ອລະກ້າວ.

 

                              ຂ່າວໂດຍ ແຫຼັງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ