343550
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
84
238
568
342128
1422
7808
343550
Your IP: 54.92.148.165
2019-07-16 04:51

 

ເປີດການແຂ່ງຂັນກິລາບານເຕະປະຈຳປີ 2018

            ໃນຕອນບ່າຍວັນທີ 19 ກຸມພານີ້ ທີ່ເດີ່ນໂຮງຮຽນ ມສ ສາລະວັນ ໄດ້ຈັດພິທີເປີດການແຂ່ງຂັນກິລາບານເຕະປະຈຳປີ 2018 ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ອານຸສົນ ຈຳປາຄຳ ກຳມະການພັກແຂວງ ຫົວໜ້າພະແນກກະສິກຳ ແລະ ປ່າໄມ້ແຂວງ ປະທານສະຫະພັນກິລາບານເຕະ , ທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີທ່ານກຳມະການພັກແຂວງ, ກຳມະການພັກເມືອງ, ບັນດາປະທານສະຫະພັນກິລາປະເພດຕ່າງໆ, ຄະນະນຳ, ກຳມະການ, ຄູຝຶກ ແລະ ພ້ອມດ້ວຍນັກກິລາແຕ່ລະທິມເຂົ້າຮ່ວມ.

            ໃນພິທີ ທ່ານ ຄົມເພັດ ສຸເທບມະນີ ຫົວໜ້າຂະແໜງພະລະ-ສິລະປະ ກໍ່ໄດ້ໃຫ້ກຽດຂຶ້ນຜ່ານບົດລາຍງານການກະກຽມງານແຂ່ງຂັນກິລາບານເຕະປະຈຳປີ 2018 ເຊິ່ງທ່ານໄດ້ກ່າວວ່າ: ເພື່ອເປັນການສ້າງຂະບວນການ, ຟື້ນຟູ ກິລາບານເຕະໃນທົ່ວແຂວງໃຫ້ມີການພັດທະນາ ພ້ອມທັງເປັນການແຂ່ງຂັນຄັດເລືອກຕົວນັກກິລາປະເພດບານເຕະຊາຍ - ຍິງ ເຂົ້າຮ່ວມແຂ່ງຂັນຕາມລາຍການຕ່າງໆລະດັບຊາດ ແລະ ກະກຽມໃສ່ງານມະຫາກຳກິລານັກຮຽນມັດທະຍົມທົ່ວປະເທດຄັ້ງທີ 7 ໃນປີ 2020 ທີ່ແຂວງສາລະວັນເປັນເຈົ້າພາບ, ການແຂ່ງຂັນບານເຕະຄັ້ງນີ້ ມີ 3 ລາຍການຄື ບານເຕະຊາຍ ມີ 19 ທິມ , ບານເຕະຍິງ ມີ 7 ທິມ ລຸ້ນທົ່ວໄປ ແລະ ບານເຕະຊາຍລຸ້ນອາວຸໂສ 4 ທິມ. ເຊິ່ງຈະດໍາເນີນຈົນຮອດວັນທີ  30 ມີນາ 2018 ຈິ່ງສໍາເລັດ.

            ໃນໂອກາດດຽວກັນ ທ່ານ ອານຸສົນ ຈຳປາຄຳ ກຳມະການພັກແຂວງ ຫົວໜ້າພະແນກກະສິກຳ ແລະ ປ່າໄມ້ແຂວງ ປະທານສະຫະພັນກິລາບານເຕະ ກໍ່ໄດ້ໃຫ້ກຽດກ່າວເປີດພິທີ ແລະ ໄດ້ກ່າວສະແດງຄວາມຊົມເຊີຍຕໍ່ຄະນະກໍາມະການຝ່າຍຕ່າງໆທີ່ທຸ້ມເທເຫື່ອແຮງ, ສະຕິປັນຍາ, ເວລາໃນການຈັດງານແຂ່ງຂັນກິລາບານເຕະຄັ້ງນີ້, ພ້ອມດ້ວຍຜູ້ອຸປະຖໍາ, ຄະນະນໍາ, ຄູຝຶກ, ນັກກິລາທີ່ມາຈາກເມືອງ,  ພະແນກການ, ກົມກອງ, ສະຖາບັນການສຶກສາ ຈົ່ງຮັກສາລະບຽບວິໄນ, ກົດລະບຽບຕ່າງໆຂອງການແຂ່ງຂັນ, ມີຄວາມບຸກບືນອົດທົນ ແລະ ມີນ້ຳໃຈນັກກິລາຢ່າງແທ້ຈິງ.

 

 

                                                                                    ຂ່າວໂດຍ ແຫຼັງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ