343528
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
62
238
546
342128
1400
7808
343528
Your IP: 54.92.148.165
2019-07-16 04:11

ສາລະວັນ

ເປີດງານແຂ່ງຂັນກິລາແລ່ນ - ລານ ລຸ້ນທົ່ວໄປປະຈໍາປີ 2018

            ໃນຕອນເຊົ້າວັນທີ 26 ມີນາ 2018ນີ້ ທີ່ເດີ່ນໂຮງຮຽນ ມສ ສາລະວັນ ໄດ້ຈັດງານແຂ່ງຂັນກິລາແລ່ນ - ລານ ລຸ້ນທົ່ວໄປປະຈໍາປີ 2018 ຂຶ້ນ ໂດຍເປັນປະທານຂອງທ່ານ ພອນທະວີ ສີລາດວງໃຈ ປະທານສະຫະພັນກິລາແລ່ນ - ລານ, ທ່ານ ວັດທະນາ ໜັ້ນວິໄລ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີຄະນະສະພັນກິລາແລ່ນ-ລານ, ຜູ້ອຳນວຍການໂຮງຮຽນອ້ອມຂ້າງ, ຄະນະກຳມະການ ແລະ ນັກກິລາຈາກ 4 ຕົວເມືອງເຂົ້າຮ່ວມຄື: ສາລະວັນ, ວາປີ, ເລົ່າງາມ ແລະ ລະຄອນເພັງ.

            ໃນໂອກາດດຽວກັນນີ້ ທ່ານ ພອນທະວີ ສີລາດວງໃຈ ປະທານສະຫະພັນກິລາແລນລານໄດ້ໃຫ້ຮູ້ວ່າ: ຈຸດປະສົງຂອງການຈັດການແຂ່ງຂັນຄັ້ງນີ້ແມ່ນເພື່ອເປັນການຄັດເລືອກຕົວນັກກິລາກະກຽມເຂົ້າຮ່ວມງານມະຫາກຳກິລາແຫ່ງຊາດຄັ້ງທີ 11 ທີ່ແຂວງຊຽງຂວາງໃນທ້າຍປີ 2018 ແລະ ກຽມຄວາມພ້ອມທາງດ້ານກິລາປະເພດຕ່າງໆໃນປີ 2020 ທີ່ແຂວງ ສາລະວັນເປັນເຈົ້າພາບກິລານັກຮຽນມັດທະຍົມທົ່ວປະເທດ ແລະ ເປັນການສ້າງຄວາມສາມັກຄີ ມີນ້ຳໃຈນັກກິລາ ມີຄວາມຮັບຜິດຊອບ ແລະ ຮູ້ເຖິງກົດກະຕິກາການຫຼິ້ນກິລາ ເພື່ອຮັກສາໄດ້ນ້ຳໃຈມິດຕະພາບອັນແທ້ຈິງ ກິລາຄືຢາວິເສດທີ່ຈະສ້າງນັກຮຽນນັກສຶກສາກໍ່ຄື ຊາວໜຸ່ມເຍົາວະຊົນຫ່າງໄກຈາກສິ່ງເສບຕິດ ແລະ ສິ່ງທີ່ຜິດລະບຽບກົດໜາຍ ໂດຍຫັນມາຫຼິ້ນກິລາເພື່ອສຸຂະພາບ ແລະ ຊີວິດທີສົດໃສ. ໃນການແຂ່ງຂັນຄັ້ງນີ້ ມີທັງໜົົດ 14 ລາຍການ, ຊາຍ 7 ລາຍການ, ຍິງ 7 ລາຍການເປັນຕົ້ນແມ່ນ ແລ່ນ 100 ແມັດ ຊາຍ-ຍິງ, 200 ແມັດ ຊາຍ-ຍິງ, 800 ແມັດ ຊາຍ-ຍິງ, 1,500 ແມັດ ຊາຍ-ຍິງ, ຊັດຫຼາວ ຊາຍ - ຍິງ, ເຕັ້ນຍາວ ຊາຍ-ຍິງ ແລະ ຊຸກນ້ຳໜັກ ຊາຍ-ຍິງ.

 

            ຜ່ານການແຂ່ງຂັນເຫັນວ່າ: ແລ່ນ 100 ແມັດ ( ຍິງ ) ລາງວັນທີ 1 ນາງໄພວັນ ເມືອງເລົ່າງາມ, ທີ 2 ນາງ ນາງ ສົມມະນີ ມສ ສາລະວັນ ( ຊາຍ ) ລາງວັນທີ1 ທ້າວ ສຸຍເທບ ເມືອງ ເລົ່າງາມ, ທ້າວ ສາຄອນ ມສ ອົງແກ້ວ, ແລ່ນ 200 ແມັດ ( ຍິງ )ລາງວັນທີ 1 ນາງ ແສງສະຫວັນ ມສ ອົງແກ້ວ, ທີ 2 ນາງ ຫວັງຫຼິງ ເມືອງ ລະຄອນເພັງ ( ຊາຍ ) ລາງວັນທີ 1 ທ້າວ ຂັນໄຊ ມສ ສາລະວັນ, ທີ 2 ທ້າວ ວິໄລສອນ ເມືອງ ລະຄອນເພັງ,  ແລ່ນ 800 ແມັດ ( ຍິງ ) ລາງວັນທີ 1 ນາງ ລັດຕະນະພອນ ເມືອງ ເລົ່າງາມ, ທີ 2 ນາງ ອາທິດສັງຂານ ເມືອງ ວາປີ, ( ຊາຍ ) ລາງວັນທີ 1 ທ້າວ ເພັດດາລາ ເມືອງ ເລົ່າງາມ, ທີ 2 ທ້າວ ໄພມູນ ມຕ ນາຂ້ອຍສາວ, ແລ່ນ 1,500 ແມັດ ( ຍິງ ) ລາງວັນທີ 1 ນາງ ແກ້ວອຳພອນ ເມືອງທ ເລົ່າງາມ, ນາງ ບຸນມາ ເມືອງ ລະຄອນເພັງ, ( ຊາຍ ) ລາງວັນທີ 1 ທ້າວລຸ ນໍລະສິງ ມສ ສາລະວັນ, ທີ 2 ທ້າວ ພາລາກອນ ເມືອງ ລະຄອນເພັງ, ເຕັ້ນຍາວ ຍິງ ລາງວັນທີ 1 ນາງ ປະນັດດາ ມສ ສາລະວັນ, ນາງ ປູນາ ມສ ສາລະວັນ, ເຕັ້ນຍາວ ຊາຍ ທ້າວ ໄມ ມສ ນາຂ້ອຍສາວ, ທ້າວ ຄຳຕົ້ນ ມສ ສາລະວັນ, ຊັດຫຼາວ ຍິງ ລາງວັນທີ 1 ນາງ ໜູລຳພອນ ມສ ສາລະວັນ, ນາງ ເຂັມພອນ ເມືອງ ເລົ່າງາມ, ຊັດຫຼາວຊາຍ ລາງວັນທີ 1 ທ້າວ ສັກດຳ ມສ ສາລະວັນ, ທີ 2 ທ້າວ ເຈມ ມສ ອົງແກ້ວ, ແລະ ຊຸກນ້ຳໜັກ ຊາຍ 7,5 ໂລ ລາງວັນທີ1 ທ້າວ ສຸພາພອນ ມສ ອົງແກ້ວ, ທີ 2 ທ້າວ ສາຍຟ້າ ມສ ນາຂ້ອຍສາວ, ຊຸກນ້ຳໜັກຍິງ 4 ໂລ ລາງວັນທີ1 ນາງ ດວງ ເລົ່າງາມ, ທີ 2 ນາງ ພຸດທະສອນ ມສ ສາລະວັນ ເຊິ່ງຜູ້ທີ່ໄດ້ຮັບລາງວັນທີ 1 ໃນແຕ່ລະລາຍການແມ່ນໄດ້ຮັບຂັນໜຶ່ງໜ່ວຍພ້ອມດວ້ຍເງິນສົດ 200,000 ກີບ, ລາງວັນທີ 2 ໄດ້ຮັບເງິນສົດ 200,000 ກີບ ໃຫ້ກຽດມອບຂອງຂວັນລາງວັນຄັ້ງນີ້ຂອງທ່ານ ພອນທະວີ ສີລາດວງໃຈ ປະທານສະຫະພັນກິລາແລ່ນ - ລານ.

 

ຂ່າວໂດຍ: ທ້າວ ອ່ອນ ມະນີສອນ

ພາບໂດຍ: ແຫຼັງຄຳ ບຸດນາໂຄກ   

ອັບໂຫຼດຂ່າວໂດຍ: ໂອເລ້ ສິງຂາວເພັດ