343525
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
59
238
543
342128
1397
7808
343525
Your IP: 54.92.148.165
2019-07-16 04:10

 

 ​​

 

ແຂ່ງຂັນກິລາ​ດຶງ​ເຊືອກຊິງ​ຂັນ​ປະທານ​ສະຫະພັນ​ ປະຈໍາ​ປີ 2018

ໃນ​ຕອນ​ເຊົ້າ​ວັນ​ທີ 10 ພຶດສະພາ​ນີ້ ທີ່​ເດີ່ນ​​ກິລາ​ໂຮງຮຽນ ມສ ສາລະ​ວັນ​ໄດ້​ຈັດການ​ແຂ່ງຂັນ​ກິລາ​ດຶງ​ເຊືອກ​ຊິງ​ຂັນ​ປະທານ​ສະຫະພັນ​ກິລາ​ດຶງ​ເຊືອກ​ແຂວງ ສາລະ​ວັນ ​ເປັນກຽດ​ເຂົ້າ​ຮ່ວມ​ຂອງ​ທ່ານ ທອງ​ໃບ ​ໄຊ​ຍະ​ສານ ຄະນະປະທານ​ສະຫະພັນ​ກິລາ​ດຶງ​ເຊືອກ, ທ່ານ ​ວັດ​ທະນາ ໜັ້ນວິ​ໄລ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ, ມີ​ບັນດາ​ທ່ານ​ປະທານ​ສະຫະພັນ​ກິລາ​​ແຕ່ລະ​ປະ​ເພດ​ກິລາ, ຄູ​ຝຶກ, ຄະນະ​ນຳ​ ​ແລະ ນັກ​ກິລາ​​​ເຂົ້າ​ຮ່ວມ.

            ​ໃນ​ພິທີ ທ່ານ ນາງ​ທອງ​ໃບ ​ໄຊ​ຍະ​ສານ ຄະນະປະທານ​ສະຫະພັນ​ກິລາ​ດຶງ​ເຊືອກ ກໍ່​ໄດ້​ຂຶ້ນ​ກ່າວ​​ເປີດ​ພິທີ ​ແລະ ມີ​ຄຳ​ຄິດ​ຄຳ​ເຫັນ​ເຊິ່ງທ່ານ​ກໍ່​ໄດ້​ກ່າວ​ບາງ​ດ້ານ​ທີ່​ສຳຄັນ​ເປັນ​ຕົ້ນແມ່ນ ວຽກ​ງານ​ກິລາ - ກາ​ຍະ​ກຳ ກໍ່​ແມ່ນ​ສ່ວນ​ໜຶ່ງ​ຂອງ​ການ​ພັດທະນາ​ຊັບພະຍາກອນ​ມະນຸດ​ທາງ​ດ້ານ​ຮ່າງກາຍ ​ແລະ ຈິດ​ໃຈ ​ໃຫ້​ມີ​ຄວາມ​ເຂັ້ມ​ແຂງ ມີ​ຂະ​ຫຍາ​ຍຕົວ​ຮອບດ້ານ ​ເພື່ອ​ກຽມ​ຮັບ​ຊ້​ໃນ​ນ້າ​ທີ່​ວຍກງານ​ຢ່າງ​ເຕັມ​ເມັດ​ເຕັມ​ໜ່ວຍ ວຽກ​ງານ​ກິລາ​ຍັງ​ໄດ້​ປະກອບສ່ວນ​ສ້າງ​ໃຫ້​ຄົນ​ເຮົາ​ມີ​ລະບຽບ​ວິ​​ໄນ ມີ​ມາລະຍາດ, ມີ​ຄຸນສົມບັດ ທັດສະນະ​ດີ ຫ່າງ​ໄກ​ຈາກ​ສິ່ງ​ເສບ​ຕິດ ​ແລະ ປະກົດ​ການ​ຫຍໍ້​ທໍ້​ອື່ນໆ ອີກ​ດ້ານ​ໜຶ່ງ​ເພື່ອກຽມພ້ອມ​ງານ​ມະຫາ​ກຳ​ກິລາ​ນັກຮຽນ​ທົ່ວ​ປະ​ເທດ​ປີ 2020 ທີ່​ແຂວງ​ສາລະ​ວັນ​ເປັນ​ເຈົ້າພາບ.

            ທ່ານຍັງ​ໄດ້​ກ່າວ​ຕື່ມ​ອີກ​ວ່າ: ອຳນາດ​ການ​ປົກຄອງ​ຂັ້ນ​​ແຂວງ, ຂັ້ນ​ເມືອງ ຂະ​ແໜງ​ການ​ພະ​ແນ​ກການ​ອ້ອມ​ຂ້າງ​ແຂວງ ການຈັດ​ຕັ້ງ​ທຸກ​ພາກສ່ວນ ຕະຫຼອດ​ຮອດ​ຄອບຄົວ ສັງຄົມ​ຈົ່ງ​ຊ່ວຍ​ກະຕຸກ​ຊຸກຍູ້ ອຳນວຍ​ຄວາມ​ສະດວກ​ໃຫ້​ແກ່​ການ​ເຄື່ອນ​ໄຫວ​ວຽກງານ​ກິລາກາ​ຍະ​ກຳ​ທີ່ຢູ່​ໃນ​ຄວາມ​ຮັບຜິດຊອບ​ຂອງ​ທ່ານ​ໃຫ້​ຈັດ​ຕັ້ງ​ປະຕິບັດ​ຢ່າງ​ຕໍ່​ເນື່ອງ ​ແລະ ພັດທະນາ​ໃຫ້​ດີ​ຂຶ້ນ​ເທື່ອ​ລະ​ກ້າວ ສ້າງ​ໃຫ້​ມີ​ກິລາ​ຫຼາຍ​ລຸ້ນ, ຫຼາຍ​ປະ​ເພດ ຫຼາຍ​ລະດັບ ສ້າງ​ໃຫ້​ມີ​ນັກ​ກິລາ​ດີ​ເດັ່ນ ຮັບປະກັນ​ຄວາມ​ສາມັກຄີ ປະຕິບັດ​ຕາມ​ກົດ​ກະຕິ​ກາ​ການ​ແຂ່ງຂັນ ​ເພາະ​ຄຸນສົມບັດ​ນັກ​ກິລາ​ຕ້ອງ​ຮູ້​ແພ້​ຮູ້​ຊະນະ ຮູ້​ໃຫ້ກຽດ ​ໃຫ້​ອະ​ໄພ​ເຊິ່ງກັນ​ແລະ​ກັນ ​ເຖິງ​ຢ່າງ​ໃດ​ກໍ່ຕາມ​ທຸກ​ພາກສ່ວນ​ຈົ່ງ​ພ້ອມ​ກັນ​ປະກອບສ່ວນ​ຊ່ວຍ​ເຫຼືອ​ທາງ​ດ້ານ​ແນວ​ຄິດ ສະຕິ​ປັນຍາ ​ເຫື່ອ​ແຮງ​ວັດຖຸ​ຈິດ​ໃຈ ​ເພື່ອ​ພ້ອມ​ກັນ​ພັດທະນາ​ວຽກ​ງານ​ກິລາ-ກາ​ຍະ​ກຳ​ໃຫ້​ຂະຫຍາຍຕົວ​ຮອບດ້ານ.

            ການ​ແຂ່ງຂັນ​ຄັ້ງ​ນີ້​ມີ​ຈຳນວນ 6 ທິມຄື: ທິມ ມສ ສາລະ​ວັນ, ​ໂຮງຮຽນ​ເຕັກນິກ​ວິຊາ​ຊີບ​ແບບ​ປະສົມ​ແຂວງ, ມສ ອົງ​ແກ້ວ, ມສ ຊົນ​ເຜົ່າ ​ແລະ ວິທະຍາ​ໄລ​ຄູ ສາລະ​ວັນ​ 2 ທິມ ມີ​ນັກຮຽນ​ກິລາ​ທັງ​ໜົດ 105 ຄົນ ຍິງ 45 ຄົນ. ຜົນ​ການ​ແຂ່ງຂັນ​ມີດັ່ງນີ້: ອັນ​ດັບ​ທີ 1: ​ໂຮງຮຽນ​ມສ ສາລະ​ວັນ ​ໄດ້​ຮັບ​ເງິນສົດ 1 ໜ່ວຍ ພ້ອມ​ເງິນ​ລາງວັນ 700.000 ກີບ, ລາງວັນ​ທີ 2: ວິທະຍາ​ໄລ​ຄູ​ສາລະ​ວັນ ​ໄດ້​ຮັບ​ເງິນສົດ 500.000 ກີບ, ລາງວັນ​ທີ 3: ​ໂຮງຮຽນ​ເຕັກນິກ​ວິຊາ​ຊີບ​ແບບ​ປະສົມ ​ໄດ້​ຮັບ​ເງິນສົດ 400.000 ກີບ.

 

ຂ່າວໂດຍ: ແຫຼັງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ