343540
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
74
238
558
342128
1412
7808
343540
Your IP: 54.92.148.165
2019-07-16 04:38

ສກຂ ສາລະ​ວັນ ຈັດ​ກິດຈະກຳ​​ຍ່າງເພື່ອສຸຂະພາບ

ສະຫຼອງ​ວັນ​ກິລາ - ກາ​ຍະ​ກຳ​ແຫ່ງ​ຊາດ​ຄົບ​ຮອບ 52 ປີ

            ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ​ ( ສກຂ ສາລະ​ວັນ ) ຈັດ​ກິດຈະກຳ​​ຍ່າງເພື່ອສຸຂະພາບ ​ສະ​ເຫຼີມ​ສະ​ຫຼອງ​ວັນ​ກິລາ - ກາ​ຍະ​ກຳ​ແຫ່ງ​ຊາດ​ຄົບຮອບ 52 ປີ, ​ເຊິ່ງເປັນ​ສ້າງ​ຂະ​ບວນການຍ່າງ​ອອກກຳລັງ​ກາຍພາຍ​ໃນ​ແຂວງ ​ໃຫ້​ມີ​ຂະ​ບວນການ​ຟົດ​ຟື້ນ.

            ກິດ​ຈະ​ກຳຍ່າງເພື່ອສຸຂະພາບ ​ເພື່ອ​ສະ​ເຫຼີ​ມສະ​ຫຼອງ​ວັນ​ດັ່ງກ່າວ​ໄດ້​ຈັດ​ຂຶ້ນ​ໃນວັນທີ 3 ສິງຫາ ຜ່ານ​ມາ​ນີ້ ​ໂດຍ​ເຂົ້າ​ຮ່ວມ​ເປັນ​ກຽດ​ຂອງ​ທ່ານ ພູທົງ ຄຳມະນີ ຮອງ​​ເຈົ້າ​ແຂວງໆ​ສາລະ​ວັນ, ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ບັນດາຄະນະນຳຂອງແຂວງ, ຂອງເມືອງ, ພະແນກແນກການ ກອງບັນຊາການທະຫານ - ຕຳຫຼວດ, ອົງການຈັດຕັ້ງພັກ - ລັດ, ກົມກອງ, ຫ້ອງການ ລັດວິສາຫະກິດ ແລະ ປະຊາຊົນບັນດາເຜົ່າໃນເທດສະບານເຂົ້າຮ່ວມຢ່າງເປັນຂະບວນການຟົດຟື້ນ.

            ໃນພິທີດັ່ງກ່າວ ທ່ານ ສີລິສັກ ຖະໜອມຮັກ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງ, ກໍ່ໃຫ້ກຽດຂຶ້ນຜ່ານປະຫວັດຄວາມເປັນມາຂອງວຽກງານກິລາກາຍະກຳ ເຊິ່ງທ່ານໄດ້ເລົ່າໃຫ້ຮູ້ວ່າ: ການສະເຫຼີມສະຫຼອງ ວັນສຳຄັນຂອງກິລາ - ກາຍະກຳນີ້ ກໍ່ແມ່ນເພື່ອເປັນການປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມຂອງວຽກງານກິລາ - ກາຍະກຳຂອງຊາດ ກໍ່ຄືຂອງແຂວງໃຫ້ມີການພັດທະນາດີຂຶ້ນຢ່າງບໍ່ຢຸດຢັ້ງ ທັງເປັນການສ້າງກິດຈະກໍາເຜີຍແຜ່ນະໂຍບາຍວຽກງານກິລາກາຍະກຳ ແລະ ເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນໜາເຮັດໃຫ້ວຽກງານກິລາກາຍເປັນຂອງປວງຊົນ ຫັນເອົາວຽກງານກິລາລົງສູ່ປະຊາຊົນບັນດາເຜົ່າ ແລະ ສົ່ງເສີມໃຫ້ຊາວໝຸ່ມ - ເຍົາວະຊົນ ກໍ່ຄືທົ່ວສັງຄົມຫັນມາຫິ້ນກິລາເພື່ອສຸຂະພາບ ເພື່ອຮ່າງກາຍຂອງຄົນເຮົາທີ່ແຂງແຮງ, ສວຍງາມ ມີຈິດໃຈເບີກບານມ່ວນຊື່ນ ສະໝອງໄດ້ຮັບການພັດທະນາ ມີຄວາມຊຳນິຊຳນານ ມີປະສົບການທາງດ້ານເທັກນິກ ມີມິດຕະພາບ ແລະ ການນຳໃຊ້ເວລາຫວ່າງໃຫ້ເກີດປະໂຫຍດ ແລະ ມີຄຸນຄ່າ, ບໍ່ມົ້ວສຸມກັບສິ່ງເສບຕິດ.

            ສຳລັບປະຫວັດຄວາມເປັນມາຂອງວັນກິລາ - ກາຍະກຳແຫ່ງຊາດນັ້ນ ແມ່ນປະກົດມາແຕ່ດົນນານແລ້ວ ນັບແຕ່ທ້າຍສະຕະວັດທີ XX ສືບ​ເນື່ອງ​ມາຈາກ​ການ​ປະຍຸກ​ບັນດາ​ອາວຸດ​ຍຸດທະ​ພັນ​ທີ່​ໃຊ້​ສຳລັບ​ການ​ເຮັດ​ເສິກ​ສົງຄາມ​ເພື່ອ​ຕໍ່ສູ້​ປົກ​ປ້ອງ​ປິຕຸ​ພູມ​ກັບ​ພວກ​ສັດຕູ​ ​ໃຫ້​ກາຍ​ມາ​ເປັນ​ເຄື່ອງມື​ເພື່ອ​ການ​ກິລາ​ເຊັ່ນ: ກິລາ​ແລ່ນ, ຍິງ​ໜ້າ, ຍິງ​ທະນູ, ຍິງ​ປືນ, ຟັນດາບ, ຕີມວຍ, ມວຍ​ປ້ຳ, ຊັດ​ຫຼອກ ​ແລະ ຊັດ​ຫຼາວ​ເຫຼົ່າ​ນີ້​ເປັນ​ຕົ້ນ, ​ເພື່ອ​ແຂ່ງຂັນ ສຳ​ລັບ​ສ້າງ​ຄວາມ​ເບີກບານ​ມ່ວນ​ຊື່ນ ​ແລະ ​ເພື່ອ​ຄວາມ​ສາມັກຄີ​ຮັກ​ແພງ​ເຊິ່ງກັນ ​ແລະ ກັນ​ແນວ​ໃດ​ກໍ່ຕາມ ​ເມື່ອ​ການ​ເວລາ​ຜ່ານ​ໄປ​ການ​ກິລາ​ລາວ​ກໍ່​ໄດ້​ຮັບ​ການ​ພັດທະນາ ​ແລະ ຂະຫຍາຍຕົວ​ເຂົ້າ​ສູ່​ຄຸນະພາບ​ໃໝ່​ເລື້ອຍໆ ຈາ​ການ​ແຂ່ງຂັນ ​ເພື່ອ​ຄວາມ​ເບີກບານ​ມ່ວນ​ຊື່ນ​ກາຍມາ​ເປັນ​ການ​ແຂ່ງຂັນ​ເພື່ອ​ສຸຂະພາບ​ມິດຕະພາບ​ຄວາມ​ສາມັກຄີ ຈາກ​ວົງ​ການ​ແຄບ​ສູ່​ວົງ​ການ​ກ້ວາງ ຈາກ​ລະດັບ​ທ້ອງ​ຖິ່ນ​ໄປ​ສູ່​ລະດັບ​ຊາດ ​ແລະ ສາກົນ​ເທົ້າ​ທຸກ​ວັນ​ນີ້ ປະກົດ​ການ​ຫຼິ້ນ​ກິລາ​ລາວ ບໍ່​ວ່າ​ຈະ​ຢູ່​ສະ​ໄໜ​ໃດ​ກໍ່ມີ​ການ​ເຄື່ອນ​ໄຫວ​ຢ່າງ​ຕໍ່​ເນື່ອງ ​ເຊັ່ນ​ດຽວ​ກັບ​ໄລຍະ​ການ​ຕໍ່ສູ້ ​ເພື່ອ​ສັນຕິພາບ​ອິດສະຫຼະພາບ ​ແລະ ຜືນ​ແຜ່ນດິນ​ອັນ​ຄົບ​ຖ້ວນ​ຂອງ ສປປ ລາວ ບັນດາ​ຜູ້ນຳ​ທີ່​ມັກ​ຮັກ​ໃນ​ການຫຼິ້ນ​ກິລາລາວ ບໍ່​ວ່າ​ຈະ​ຢູ່​ໃນ​ສະ​ໄໜ​ໃດ ກໍ່ມີ​ການ​ເຄື່ອນ​ໄຫວ​ຢ່າງ​ຕໍ່​ເນື່ອງ ​ເຊັ່ນ​ດຽວ​ກັບ​ໄລຍະ​ການ​ຕໍ່ສູ້​​ເພື່ອ​ສັນ​ຕິ​ພາບ ອິດ​ສະຫຫຼະພາບ ​ແລະ ຜືນ​ແຜ່ນດິນ​ອັນ​ຄົບ​ຖ້ວນ​ຂອງ ສປປ ລາວ.

            ຈາກໜ່ວຍ​ກິລາ​ນ້ອຍ​ໆປະຈຳ​ກົມ​ກອງ ຂະ​ແໜງການ​ເຂດ​ແນວ​ຫຼັງ ກໍ່ຄື​ແນວໜ້າ ຈົນ​ໃນ​ທີ່​ສຸດ​ກອງທັບ​ປົດ​ປ່ອຍປະ​ຊາ​ຊົນ​ລາວ​ຈຶ່ງ​ໄດ້​ປະກາດ​ສ້າງ​ຕັ້ງ​ກອງ​ກິລາ​ຂອງ​ຕົນ​ເອງ​ຂຶ້ນ​ຢ່າງ​ເປັນ​ທາງ​ການ ​ໃນ​ວັນ​ທີ 13 ກໍລະກົດ ປີ 1966 ທ່ານ ພົນ​ເອກ ສີສະ​ຫວາດ ​ແກ້ວ​ບຸນ​ພັນ ຫົວໜ້າ​ເສນາ​ທິການ​ສູງ​ສຸດ ກອງທັບ​ປົດ​ປ່ອຍ​ປະຊາຊົນ​ລາວ​ເປັນ​ຜູ້​ປະກາດ​ແຕ່ງ​ຕັ້ງ ​ໃນ​ສະ​ໄໜນັ້ນ ​ແລະ ນັ້ນ​ຄື​ຂີດ​ໜາຍ​ແຫ່ງ​ການ​ກຳ​ເນີ​ດກິລາ​ລາວ​ສູ່​ຍຸກ​ສະ​ໄໜ ຫຼັງ​ຈາກ​ປະ​ເທດ​ຊາດ​ໄດ້​ຮັບ​ການ​ສະຖາ​ປະນາ ວົງ​ການ​ກິລາລາວ ​ເປັນ​ພຽງ​ກົມ​ໜຶ່ງ​ທີ່​ຂຶ້ນ​ກັບ​ກະຊວງ​ສຶກສາ​ທິການ ​ຈົນ​ມາ​ຮອດ​ປີ 1993 ລັດຖະບານ​ຈຶ່ງ​ໄດ້​ຕົກລົງ​ຍົກ​ຖານະ​ຂອງ​ກົມ​ກິລາ​ຂຶ້ນ ​ເປັນ​ຄະນະ​ກຳມະການ​ກິລາ​​ແຫ່ງ​ຊາດ​ໂດຍ​ມີ​ບົດບາດ​ເທົ່າ​ທຽມ​ກັບ​ທະບວງ ​ເຮັດ​​ໃຫ້ວຽກງານ​ກິລາ - ກາ​ຍະ​ກຳ​ລາວ ​ໃນ​ໄລຍະ​ນີ້ ​ໄດ້​ມີ​ການ​ເຕີບ​​ໃຫຍ່​ຂະຫຍາຍຕົວ ທັງ​ດ້ານ​ປະ​ລິ​ມານ ​ແລະ ຄະນະ​ພາບ ຈາກ​ສູນ​ກາງ​ລົງ​ເຖິງ​ທ້ອງ​ຖິ່ນ ນອກ​ນັ້ນ​ກິລາ​ລາວ​ຍັງ​ມີ​ບົດບາດ​ໃນ​ເວທີ​ສາກົນ ຄື​ໃນ​ປີ 2009 ສປປລາວ ​ໄດ້​ຮັບ​ກຍດ​ເປັນ​ເຈົ້າພາບ ຈັດ​ງານ​ຊີ​ເກ​ມ ຄັ້ງ​ທີ 25 ​ແລະ ງານ​ແຂ່ງຂັນ​ກິລາ​ປະ​ເພດ​ຕ່າງໆ​ລະດັບ​ພາກ​ພື້ນ ​ແລະ ສາກົນ.        

 

 

 ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ