ແຈ້ງການສອບເສັງ ມຈ ສົກຮຽນ 2017-2018

 

266665
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
204
195
574
264627
3728
9151
266665
Your IP: 54.198.15.20
2018-10-16 03:33

 

 

 

ສາລະ​ວັນ ປຶກສາ​ຫາລື​ການ​ລະດົມ​ທຶນ ​ແລະ ການ​ຝຶກ​ຊ້ອມ​ກິລາ

​ເຂົ້າ​ຮ່ວມ​ໃນ​ງານ​ມະຫາ​ກຳ​ກິລາ​ແຫ່ງ​ຊາດ​ຄັ້ງ​ທີ XI ທີ່​ແຂວງ​ຊຽງ​ຂວາງ

            ​ໃນ​ຕອນ​ເຊົ້າວັນ​ທີ 21 ສິງຫານີ້ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ ​ໄດ້​ຈັດ​ກອງ​ປະຊຸມ​ປຶກສາ​ຫາລື​ວຽກ​ງານ​ການ​ລະດົມ​ທຶນ ​ແລະ ຝຶກ​ຊ້ອມ​ກິລາ​ເຂົ້າ​ຮ່ວມ​ໃນ​ງານ​ມະຫາ​ກຳ​ກິລາ​ແຫ່ງ​ຊາດ ຄັ້ງ​ທີ XI ທີ່​ແຂວງ​ຊຽງ​ຂວາງ ​ເຊິ່ງຈະ​ໄດ້​ຈັດ​ຂຶ້ນ​ໃນ​ຄັ້ງ​ວັນ​ທີ 11 – 21 ສິງຫາ 2018, ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ວິຊຽນ ນະ​ວິ​ກຸນ ຮອງ​ເຈົ້າ​ແຂວງໆ ສາລະ​ວັນ ຜູ້​ຊີ້​ນຳ​ວຽກ​ງານ​ເສດຖະກິດ, ມີ​ທ່ານ ສີ​ລິ​ສັກ​ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ມີ​ບັນດາຄະນະ​ຮັບຜິດ​ຊອບ​ລະດົມ​ທຶນ​ຈາກ​ພະ​ແນ​ກການ​ອ້ອມ​ແຂວງ, ​ເຈົ້າ​ເມືອງ 8 ​ເມືອງ ​ເຂົ້າ​ຮ່ວມ.

 

            ​ໃນ​ພິທີ ທ່ານ ສີ​ລິ​ສັກ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ​ໄດ້​ຂຶ້ນ​ຜ່ານ​ຂໍ້​ຕົກລົງ​ວ່າ​ດ້ວຍ​ການ​ແຕ່ງ​ຕັ້ງ​ຄະນະ​ຮັບຜິດຊອບ​ລະດົມ​ທຶນ ​ແລະ ຝຶກ​ຊ້ອມ​ກິລາ ສະບັບ​​ເລກທີ 692/ຈຂ.ສວ, ລົງ​ວັນ​ທີ 30 ກໍລະ​ກົດ 2018 ເພື່ອຊຸກຍູ້ການລະດົມທຶນໃນທຸກຂົງເຂດໃຫ້ມີການປະກອບສ່ວເປັນຕົ້ນແມ່ນບັນດາພະແນກການ, ອົງການທຽບເທົ່າ, ເມືອງ, ປກສ - ປກຊ, ບໍລິສັດ,​ລັດວິສາຫະກິດ ແລະ ຫ້າງຮ້ານຜູ້ປະກອບການໃນທົ່ວສັງຄົມ, ພ້ອມກັນນັ້ນກໍ່ປະຕິບັດຍ້ອງຍໍ, ສັນລະເສີນຕໍ່ພະແນກການ, ກົມກອງ, ເມືອງ, ບໍລິສັດ, ຫ້າງຮ້ານ ແລະ ຊັ້ນຄົນຕ່າງໆທີ່ໄດ້ປະກອບສ່ວນຊຸກຍູ້ໃນວຽກງານກິລາ ສຳລັບກິລາທີ່ຈະເຂົ້າຮ່ວມແຂ່ງຂັນໃນຄັ້ງນີ້ມີ 7 ປະເພດຄື: ປະເພດກິລາມວຍຄື:​ ມວຍລາວ ຍິງ-ຊາຍ, ມວຍສາກົນ ຊາຍ-ຍິງ, ມວຍວູຊູ ຊາຍ-ຍິງ, ມວຍປັນຈັດສີລັດ ຊາຍ-ຍິງ, ປະເພດເປຕັງ ຊາຍ-ຍິງ, ປະເພດກິລາ ແລ່ນ-ລານ ຊາຍ-ຍິງ, ປະເພດກ໊ອບ ຊາຍ, ປະເພດເຮືອຊວ່ງ ຊາຍ, ປະເພດໜາກເສິກ ຊາຍ-ຍິງ, ແລະ ປະເພດໜາກແລ້ ຊາຍ-ຍິງ ມີນັກກິລາທັງໜົດ  73 ຄົນ ຍິງ 30 ຄົນ, ຄູຝຶກ 19 ຄົນ ໂດຍນໍາໃຊ້ງົບປະມານທັງໜົດ 1,599,136,000 ກີບ ( ໜຶ່ງຕື້ ຫ້າຮ້ອຍເກົ້າສິບເກົ້າລ້ານ ໜຶ່ງແສນສາມສິບຫົກພັນລ້ານ ).

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ