283570
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
257
157
617
280813
4574
8678
283570
Your IP: 107.21.169.9
2018-12-18 15:33

 

 

ສາລະ​ວັນຄາດຫວັງ 4 ຫຼຽນຄຳ

ໃນ​ງານ​ມະຫາ​ກຳ​ກິລາ​ແຫ່ງ​ຊາດ​ຄັ້ງ​ທີ XI ທີ່​ແຂວງ​ຊຽງ​ຂວາງ

 

            ​ໃນ​ຕອນ​ເຊົ້າວັນ​ທີ 23 ສິງຫານີ້ ທີ່​ຫ້ອງ​ປະຊຸມ​ຫ້ອງວ່າການປົກຄອງແຂວງ ສາລະວັນ ​ຈັດກອງປະຊຸມປຶກສາຫາລືຄວາມພ້ອມທາງດ້ານກິລາປະເພດຕ່າງໆ ເພື່ອ​ເຂົ້າ​ຮ່ວມ​ໃນ​ງານ​ມະຫາ​ກຳ​ກິລາ​ແຫ່ງ​ຊາດ ຄັ້ງ​ທີ XI ທີ່​ແຂວງ​ຊຽງ​ຂວາງ ​ເຊິ່ງຈະ​ໄດ້​ຈັດ​ຂຶ້ນ​ໃນ​ຄັ້ງ​ວັນ​ທີ 11 – 21 ພະຈິກ 2018, ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ພູທົງ ຄຳມະນີວົງ ຮອງ​ເຈົ້າ​ແຂວງໆ ສາລະ​ວັນ ຜູ້​ຊີ້​ນຳ​ວຽກ​ງານ​ວັດທະນະທຳສັງຄົມ ມີ​ທ່ານ ສີ​ລິ​ສັກ​ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ມີ​ບັນດາຄະນະ​ຮັບຜິດ​ຊອບຝຶກຊ້ອມນັກກິລາແຕ່ລະປະເພດ ພ້ອມດ້ວຍຂະແໜງກິລາລະດັບສູງ, ມວນຊົນ ແລະ ພະລະ-ສິລະປະ ​ເຂົ້າ​ຮ່ວມ.

            ​ໃນ​ພິທີ ທ່ານ ວັດທະນາ ໜັ້ນວິໄລ ຮອງຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ຜູ້ຊີ້ນຳວຽກງານກິລາ ​ໄດ້​ຂຶ້ນ​ລາຍງານການກະກຽມກິລາ 7 ປະເພດ ເຂົ້າຮ່ວມງານມະຫາກໍາກິລາແຫ່ງຊາດຄັ້ງທີ XI ທີ່ແຂວງ ຊຽງຂວາງ ມີປະເພດກິລາມວຍຄື:​ ມວຍລາວ ຍິງ-ຊາຍ, ມວຍສາກົນ ຊາຍ-ຍິງ, ມວຍວູຊູ ຊາຍ-ຍິງ, ມວຍປັນຈັດສີລັດ ຊາຍ-ຍິງ, ປະເພດເປຕັງ ຊາຍ-ຍິງ, ປະເພດກິລາ ແລ່ນ-ລານ ຊາຍ-ຍິງ, ປະເພດກ໊ອບ ຊາຍ, ປະເພດເຮືອຊວ່ງ ຊາຍ, ປະເພດໜາກເສິກ ຊາຍ-ຍິງ, ແລະ ປະເພດໜາກແລ້ ຊາຍ-ຍິງ ໃນການຝຶກຊ້ອມສຳລັບປະເພດກິລາມວຍແມ່ນໄດ້ກຳນົດເອົາ ຄ້າຍມວຍ ທ່ານສຸບັນບັນຊາເດດ, ສະໜາມຝຶກຊ້ອມມວຍຊົ່ວຄາວແຂວງ, ສູນຝຶກກິລາສີເກີດ ( ນະຄອນຫຼວງວຽງຈັນ ), ແລະ ກິລາປະເພດຕ່າໆແມ່ນໄດ້ຝຶກຊ້ອມທັງພາຍໃນ ແລະ ຕ່າງປະເທດ ເພື່ອສ້າງໃຫ້ນັກກິລາມີຄວາມຊຳນິຊຳນານ, ຮູ້ກົດກະຕິກາການຫຼິ້ນ, ມີນ້ຳໃຈນັກກິລາ ແລະ ມີຄວາມອົດທົນພະຍາຍາມໃນການຝຶກຊ້ອມ ທັງນີ້ກໍ່ເພື່ອສ້າງຄວາມເຂັ້ມແຂງໃຫ້ແກ່ນັກກິລາກໍ່ຄື ແຂວງສາລະວັນ ສາມາດບັນລຸໄດ້ຕາມຄາດໜາຍທີ່ວາງໄວ້ 4 ຫຼຽນຄໍາ, 8 ຫຼຽນເງິນ ແລະ 12 ຫຼຽນທອງແດງ ລວມ 24 ​ຫຼຽນ.

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ