ການເຄື່ອນໄຫວຕ່າງໆ

ແຈ້ງການທຶນການສຶກສາ

187102
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
203
235
918
183399
6546
8621
187102
Your IP: 54.198.210.67
2017-11-22 14:24

    ສກຂ ​ເຝິກອົບຮົມ​ການ​ສຶກສາ​ການ​ສອນ​

ໃຫ້​ຄູ​ສອນ​ໃນ​ໂຮງຮຽນ​ເຄືອ​ຂ່າຍ ​ແລະ ກຸ່ມ​ໂຮງຮຽນ​ຕົວ​ແບບ

            ​ໃນ​ຕອນ​ເຊົ້າ​ວັນ​ທີ 3 ພະຈິກນີ້ ທີ່​ໂຮງຮຽນ​ປະຖົມ​ສົມບູນ​ນາ​ເຫຼັກ​ໄດ້​ຈັດ​ກອງ​ປະຊຸມ​ເຝິກອົບຮົມ​ການ​ສຶກສາ​ການ​ສອນ​ໃຫ້​ຄູ​ສອນ​ໃນ​ໂຮງຮຽນ​ເຄືອ​ຂ່າຍ ​ແລະ ກຸ່ມ​ໂຮງຮຽນ​ຕົວ​ແບບ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ສົມ​ຈິດ ​ເພັງ​ສຸວັນນະ​ວົງ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ, ມີ​ທ່ານ ວັນ​ດີ ບຸນ​ຍະ​ລາດ ຫົວ​ໜ້າ​ຂະ​ແໜງພັດທະນາ​ຄູ, ພ້ອມ​ດ້ວຍ​ຄູ​ເຝິກ​ຂັ້ນ​ແຂວງ, ຄູ​ອາ​ຈານ​ຈາກ 2 ​ໂຮງຮຽນຄື: ​ໂຮງຮຽນ​ປະຖົມ​ສົມບູນ​ນາ​ເຫຼັກ ​ແລະ ​ໂຮງຮຽນ​ປະຖົມ​ສົມບູນ​ໂພນ​ບົກ​ເຂົ້າ​ຮ່ວມ.

            ​ໃນ​ບັ້ນ​ເຝິກອົບຮົມ​ຄັ້ງ​ນີ້ນັກ​ສຳ​ມະ​ນາກ​ອນຈະ​ໄດ້​ຮຽນ​ຮູ້​ໃນ​ຫົວ​ຂໍ້​ທີ່​ສໍາຄັນ​ເປັນ​ຕົ້ນ​ແມ່ນ: ການ​ພັດທະນາ ​ແລະ ​ເຄື່ອຂ່າຍ​ວິຊາ​ຊີບ​ຄູ​ແບບ​ຕໍ່​ເນື່ອງ, ​ການ​ສຶກສາ​ການ​ສອນ, ການ​ເຝິກອົບຮົມ​ຢູ່​ໃນ​ໂຮງຮຽນ​ດ້ວຍ​ຫຼາຍ​ຮູບ​ແບບ​ການ​ສຶກສາ​ການ​ສອນ, ​ເຊິ່ງ​ໃນ​ນັ້ນ​ກໍ່​ໄດ້​ນຳ​ສະ​ເໜີ​ຍຸດ​ທະ​ສາດ​ວຽກ​ງານ​ການ​ສ້າງ​ຄູ​ແຄ່ 2016-2020 ຍຸດ​ທະ​ສາດ​ທີ່​3 ​ໄດ້​ເວົ້າ​ວ່າ: ສະ​ໜອງ​ການ​ບຳລຸງ​ຄູ​ໃຫ້​ເປັນ​ລະບົບ ​ເພື່ອ​ພັດທະນາ​ວິຊາ​ຊີບ​ຄູ​ແບບ​ຕໍ່​ເນື່ອງ ​ໃນ​ແຜນ​ພັດທະນາ​ຂະ​ແໜງ​ການ​ສຶກສາ ຈໍານວນຄູໄດ້ມາດຕະຖານ ແລະ ມີຄວາມສາມາດສິດສອນເພີ່ມຂຶ້ນເຊິ່ງສາມາດເຮັດໃຫ້ຜົນການຮຽນຂອງນັກຮຽນດີຂຶ້ນໃນທຸກວິຊາຮຽນຕາມຫຼັກສູດແຫ່ງຊາດດ້ານການສຶກສາເດັກກ່ອນໄວຮຽນ, ປະຖົົມ ແລະ ມັດທະຍົມສຶກສາ, ການພັດທະນາວິຊາຊີບຄູແບບຕໍ່ເນື່ອງໂດຍເນັ້ນໃສ່ການເຝິກອົບຮົມຢູາໃນໂຮງຮຽນດ້ວຍຫຼາຍຮູບແບບ, ການສຶກສາການສອນ ແມ່ນການຈັດຕັ້ງຜັນຂະຫຍາຍຍຸດທະສາດດັ່ງກ່າວຂອງວຍກງານສ້າງຄູໃຫ້ເຂົ້າສູ່ລວງເລິກ ແລະ ສ້າງເງື່ອນໄຂໃຫ້ແກ່ຄູໄດ້ຮຽນຮູ້ຕະຫຼອດຊີວິດ.

            ທ່ານ ສົມຈິດ ເພັງສຸວັນນະວົງ ກໍ່ໄດ້ຍົກໃຫ້ເຫັນເຖິງນະໂຍບາຍ ແລະ ຈຸດປະສົງຂອງການຈັດການເຝິກອົບຮົມຄັ້ງນີ້ວ່າ  ເພື່ອເປັນແນວທາງ ແລະ ຜັນຂະຫຍາຍວຽກງານການພັດທະນາວິຊາຊີບຄູແບບຕໍ່ເນື່ອງໂດຍເນັ້ນໃສ່ການເຝິກອົບຮົມດ້ວຍຫຼາຍຮູບແບບ ການສຶກສາການສນໃຫ້ແກ່ຄູວິທະຍາໄລຄູ ແລະ ໂຮງຮຽນສາມັນ, ພັດທະນາຄຸນນະພາບການຈັດການສອນ -ການຮຽນ ໃຫ້ດີຂຶ້ນ ແລະ ສ້າງຄູໃຫ້ກາຍເປັນຄູມືອາຊີບ, ສ້າງໂອກາດໃຫ້ຄູໄດ້ເຮັດວຽກຮ່ວມກັນ, ມີການແລກປ່ຽນປະສົບການເຊິ່ງກັນ ແລະ ກັນ ແລະ ສາມາດແກ້ໄຂບັນຫາໃນການຈັດການສອນ-ການຮຽນໃຫ້ດີຂຶ້ນ, ຈາກນັ້ນກໍ່ໄດ້ຮຽກຮ້ອງມາຍັງນັກສຳມະນາກອນທຸກຄົນຈົ່ງຕັ້ງໃຈຮັບເອົາຄວາມຮູ້ໃໝ່ໆນີ້ໃຫ້ໄດ້ນຳໄປຈັດຕັ້ງປະຕິບັດເຂົ້າໃນການຮຽນ-ການສອນຂອງຄູໃຫ້ໄດ້ຮັບຜົນສຳເລັດຢ່າງສູງ.

            ບັ້ນເຝິກອົບຮົມຄັ້ງນີ້ດຳເນີນໄປເປັນເວລາ 3 ວັນຈິ່ງຈະສຳເລັດ