283601
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
288
157
648
280813
4605
8678
283601
Your IP: 107.21.169.9
2018-12-18 15:58

 

ກຳມະບານ ສກຂ ສາລະວັນ

ສະຫຼຸບຕີລາຄາຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ປະຈຳປີ 2018

ແລະ ເປີດຂະບວນການຂໍ້ແຂ່ງຂັນ 5 ເປັນເຈົ້າ ປະຈຳປີ 2019

      ໃນຕອນເຊົ້າວັນທີ 8 ສິງຫາ 2018 ນີ້ທີ່ຫ້ອງປະຊຸມພະແນກສຶກສາທິການ ແລະ ກິລາແຂງ ສາລະວັນ ໄດ້ຈັດກອງປະຊຸມສະຫຼຸບຕີລາຄາຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ປະຈຳປີ 2018 ແລະ ເປີດຂະບວນການຂໍ້ແຂ່ງຂັນ 5 ເປັນເຈົ້າ ປະຈຳປີ 2019 ຂອງກໍາມະບານຮາກຖານພະແນກສຶກສາທິການ ແລະ ກິລາແຂວງ ໂດຍພາຍໃຕ້ການເປັນປະທານຂອງທ່ານ ນາງ ທອງໃບ ໄຊຍະສານ ປະທານສະຫະພັນກຳມະບານຮາກຖານພະແນກສຶກສາທິການ ແລະ ກິລາແຂວງ, ເປັນກຽດເຂົ້າຮ່ວມຂອງທ່ານ ຈິດຕະກອນ ສາຍສະໜຸດ ຮອງປະທານສະຫະພັນກຳມະບານແຂວງ, ທ່ານ ຄຳເຟືອງ ອິນທິສອນ ຄະນະພັກຮາກຖານ, ມີບັນດາສະຫະພັນກຳມະບານຮາກຖານກຸ່ມວັດທະນະທຳສັງຄົມ, ແຂກທີ່ຖືກເຊີນພ້ອມດ້ວຍສະມາຊິກກຳມະບານພະແນກສຶກສາທິການ ແລະ ກິລາແຂວງເຂົ້າຮ່ວມ.

       ໃນພິທີ ທ່ານ ໄພວັນ ແສງອຳພັນ ຄະນະປະທານສະຫະພັນກໍາມະບານຮາກຖານພະແນກສຶກສາທິການ ແລະ ກິລາກໍ່ໄດ້ໃຫ້ກຽດຂຶ້ນຜ່ານບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ແລະ ທິດທາງແຜນການຈັດຕັ້ງປະຕິບັດເນື້ອໃນ 5 ເປັນເຈົ້າ ສົກປີ 2019 ເປັນຕົ້ນແມ່ນເປັນເຈົ້າໂຄສະນາສຶກສາອົບຮົມການເມືອງແນວຄິດ ໂດຍຖືເອົາວຽກງານການເມືອງ ແນວຄິດເປັນກົກ ໃນການສຶກສາອົບຮົມໃຫ້ແກ່ພະນັກງານລັດຖະກອນ, ສຳມະຊິກກຳມະບານ, ໄດ້ເຂົ້າຮ່ວມເຊື່ອມຊຶມມູນເຊື້ອຂອງພັກ, ຂອງກຳມະບານລາວ, ມະຕິ ແນວທາງນະໂຍບາຍຂອງພັກ, ມີນ້ຳໃຈຮັກຊາດ, ຮັກຄວາມເປັນເອກະລາດ, ຍົກສູງຈິດໃຈເພິ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ ວຽກນີ້ປະຕິບັດໄດ້ເທົ່າກັບ 88%. ເປັນເຈົ້າໃນການປັບປຸງແບບແຜນໃນການນຳພາ ແລະ ຂະຫຍາຍການຈັດຕັ້ງກຳມະບານ ໄດ້ເອົາໃຈໃສ່ໃນການພັດທະນາວຽກງານ ດ້ວຍການປັບປຸງແບບແຜນວິທີການ ເຮັດວຽກ, ປັບປຸງການຈັດຕັ້ງກຳມະບານໃຫ້ສອດຄ່ອງ  ກັບພາລະບົດບາດ, ຂະຫຍານສະມາຊິກກຳມະບານ, ເອົາໃຈໃສ່ພັດທະນາວຽກງານການສຶກສາ ແລະ ກິລາໃຫ້ໄດ້ທັງປະລິມານ ແລະ ຄຸນນະພາບ ປະຕິບັດໄປຕາມ 8 ຂະແໜງການຍ່ອຍຄື: ວຽກອະນຸບານ, ວຽກປະຖົມ, ວຽກມັດທະຍົມຕອນຕົ້ນ, ວຽກມັດທະຍົມຕອນປາຍ, ວຽກການສຶກສານອກໂຮງຮຽນ, ວຽກອາຊີວະສຶກສາ ແລະ ຝຶກອົບຮົມວິຊາຊີບ, ການບໍລິຫານ ແລະ ຄຸ້ມຄອງການສຶກສາ, ວຽກງານກິລາ-ກາຍຍະກຳ, ວຽກນີ້ປະຕິບັດໄດ້ ເທົ່າກັບ 88%. ເປັນເຈົ້າປົກປ້ອງສິດ ແລະ ຜົນປະໂຫຍດອັນຊອບທຳຂອງພະນັກງານ, ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ ສະມາຊິກກກຳມະບານໄດ້ຮັບຜົນປະໂຫຍດທາງດ້ານແຮງງານ, ເງິນເດືອນ, ນະໂຍບາຍອື່ນໆ, ເປັນເຈົ້າການກວດກາ ເພື່ອປົກປ້ອງສິດ ແລະ ຜົນປະໂຫຍດ ຍົກລະດັບຄວາມຮູ້ຄວາມສາມາດ, ສີມືແຮງງານ ໃນແຕ່ລະໄລຍະຕາມຄວາມເໜາາະສົມ ວຽກນີ້ປະຕິບັດໄດ້ 88%, ເປັນເຈົ້າເຂົ້າຮ່ວມໃນການຕິດຕາມ, ກວດກາຄຸ້ມຄອງລັດ ເສດຖະກິດ, ວັດທະນະທຳ - ສັງຄົມ ​ໄດ້​ຕິດຕາມ​ກວດກາ​ແຜນການ​ເຄື່ອນ​ໄຫວ​ທາງ​ດ້ານ​ວິຊາ​ການ​ຂອງ​ແຕ່ລະ​ຂະ​ແໜງ, ​ເອົາ​ໃຈ​ໃສ່​ສູ້​ຊົນ​ສ້າງ​ເສດຖະກິດ​ຄອບຄົວ, ​ເພື່ອ​ເຮັດ​ໃຫ້ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ​ໄດ້​ເທື່ອ​ລະ​ກ້າວ ​ເປັນ​ເຈົ້າ​ການ​ໃນ​ການ​ຕິດຕາມ ກວດກາ ​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງ​ທທີ່​ເກີດ​ຂຶ້ນ​ພາຍ​ໃນ​ຂະ​ແໜງ​ການ​ສຶກສາ ​ແລະ ກິລາ ວຽກ​ງານ​ນີ້​ປະຕິບັດ​ໄດ້ 88%, ​ເປັນ​ເຈົ້າ​ເຂົ້າ​ຮ່ວມ​ການ​ປະຕິບັດ​ແນວທາງ​ການ​ຕ່າງປະ​ເທດ​ຂອງ​ພັກ, ລະບຽບ​ກົດ​ໜາຍ​ຂອງ​ລັດ ​​ໂດຍ​ປະຕິບັດ​ຕາມ​ແນວທາງ​ຍຸດ​ທະ​ສາດ​ໃນ​ກາ​ນພົວພັນ​ຮ່ວມ​ມື ກັບ​ສາກົນ​​ໃນ​ຂະ​ແໜງ​ການ​ສຶກສາ ​ແລະ ກິລາ​ໄດ້​ພົວພັນ​ຮ່ວມ​ມື ຈັດ​ຕັ້ງ​ປະຕິບັດ​ໂຄງການ​ຂອງ​ບັນດາ​ອົງການ​ຈັດ​ຕັ້ງ​ສາກົນ​ຕ່າງໆ​ທີ່​ສັງກັດ​ລັດຖະບານ ​ແລະ ບໍ່​ສັງກັດ​ລັດຖະບານ, ​ເພີ່​ມທະວີ​ຄວາມ​ສາມັກຄີ​ແບບ​ພິ​ເສດ ລະຫວ່າງ​ແຂວງ ສາລະ​ວັນ ກັບ​ບັນດາ​ແຂວງ​ພາກ​ກາງ ສສ ຫວຽດນາມ ​ເປັນ​ຕົ້ນ​ການ​ຮ່ວມ​ມື​ຊ່ວຍ​ເຫຼືອ ​ແລກປ່ຽນ​ບົດຮຽນ​ໃນ​ການກໍ່ສ້າງ​ຊັບພະຍາກອນ​ມະນຸດ ວຽກ​ງານ​ນີ້​ປະຕິບັດ​ໄດ້ 87%.

ຈາກນັ້ນກໍ່ໄດ້ມອບໃບຢັ້ງຢືນ ກຳມະບານ 5 ​ເປັນ​ເຈົ້າ ປະຈຳ​ປີ 2018ຈາກສະຫະພັນກຳມະບານ​ແຂວງ​ສາລະ​ວັນໂດຍໃຫ້ກຽດມອບຂອງທ່ານ ຈິດຕະກອນ ສາຍ​ສະໜຸດ ຮອງ​ປະທານ​ສະຫະພັນ​ກຳມະບານ​ແຂວງ ພ້ອມກັນນັ້ນສາມາຊິກກຳມະບານກໍ່ໄດ້ຮັບ​ປຶ້ມ​ຕິດຕາມ 5 ​ເປັນ​ເຈົ້າ ​ແລະ ພ້ອມ​ກັນຈັບມືກັນເພື່ອ​​ປະຕິບັດ​ເນື້ອ​ໃນຂໍ້ແຂ່ງຂັນ 5 ​ເປັນເຈົ້າປະຈຳ​ປີ 2019 ໃຫ້ປະກົດຜົນເປັນຈິງ​.