343530
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
64
238
548
342128
1402
7808
343530
Your IP: 54.92.148.165
2019-07-16 04:12

 

ສູນການສຶກສານອກໂຮງຮຽນ ແລະ ໂຮງຮຽນສາມັນກິນນອນຊົນເຜົ່າ ແຂວງ ສາລະວັນ

ເປີດບັ້ນດຳເນີນຊີວິດການເມືອງປະຈຳປີ 2018

ໃນຕອນເຊົ້າຂອງວັນທີ 6 ສິງຫາ ທີ່ ສູນການສຶກສານອກໂຮງຮຽນ ແຂວງ ສາລະວັນ ໄດ້ເປີດກອງປະຊຸມດໍາເນີນຊີວິດການເມືອງປະຈຳປີໃຫ້ແກ່ພະນັກງານຄູ-ອາຈານ ສູນການສຶກສານອກໂຮງຮຽນ ແລະ ໂຮງຮຽນສາມັນກິນນອນຊົນເຜົ່າແຂວງ ສາລະວັນ ເຂົ້າຮ່ວມໃນພິທີຂອງທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ສັນຕິ ໄຊໂຍທາ ອຳນວຍການສູນການສຶກສານອກໂຮງຮຽນ, ທ່ານ ສັງທອງ ອາດວິໄລ ຮັກສາການຜູ້ອຳນວຍການໂຮງຮຽນສາມັນກິນນອນຊົນເຜົ່າແຂວງ ສາລະວັນ ມີບັນດາຄູອາຈານຈາກສອງໂຮງຮຽນເຂົ້າຮ່ວມຢ່າງພ້ອມພຽງ.

ການດຳເນີນຊີ້ວິດການເມືອງປະຈຳປີ 2018 ເຊິ່ງດຳເນີນເປັນເວລາ 3 ວັນ ເອກະສານຕ່າງໆ ທີ່ສຳຄັນມາເຜີຍແຜ່ ແລະ ເຊື່ອມຊຶມໃຫ້ແກ່ພະນັກງານຄູ-ອາຈານ ເພື່ອເຮັດໃຫ້ເຂົາເຈົ້າກຳໄດ້ເຖິງບັນດາເນື້ອໃນຕ່າງໆຂອງເອກະສານຢ່າງເລິກເຊິ່ງ ໂດຍປະກອບມີ ເອກະສານຄຸນທາດການເມືອງ - ຄຸນສົມບັດສິນທຳປະຕິວັດ, ເອກະສານຄຳແນະນຳ: ເລື່ອງການປະເມີນຜົນການປະຕິບັດໜ້າທີ່ວຽກງານຂອງລັດຖະກອນຄູ ເລກທີ 204/ສສກຈຕ ລົງວັນທີ 7 ກຸມພາ 2017, ຄຸນສົມບັດ ແລະ ຈັນຍາບັນຂອງຄູ,  ມາດຕະຖານຄຸນະພາບການສຶກສາ, 3 ຂໍ້ແຂ່ງຂັນຂອງຂະແໜງການສຶກສາ, ເງື່ອນໄຂມາດຖານໂຮງຮຽນຕົວແບບ, ພາຍຫຼັງທີ່ສຳເລັດການເຜີຍແຜ່ ແລະ ເຊື່ອມຊືມບັນດາເອກະສານຕ່າງໆແລ້ວ ແຕ່ລະຄົນຈະໄດ້ຂຽນກິດສຳພັນ, ແບ່ງຈຸເພື່ອດຳເນີນການສຳຫຼວດກວດກາ.

ໃນກອງປະຊຸມໄດ້ຮັບຟັງການໂອ້ລົມຂອງທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາແຂວງ ໂດຍກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ໝາກຜົນ ແລະ ຜົນງານທີ່ບັນດາພະນັກງານຄູ-ອາຈານຂອງພວກເຮົາສາມາດຍາດມາໄດ້ ໂດຍໄດ້ມີການສະຫຼຸບຕີລາຄາຄືນເຖິງດ້ານດີ ແລະ ດ້ານອ່ອນ ບັນຫາໃດທີ່ຍັງເປັນຂໍ້ຄົງຄ້າງ, ອັນໃດດີຕ້ອງໄດ້ເສີມຂະຫຍາຍ ແລະ ອັນໃດບໍ່ທັນປະຕິບັດສຳເລັດກໍ່ພ້ອມກັນສາມັກຄີເຮັດໃຫ້ສຳເລັດເທື່ອລະກ້າວ, ເອົາໃຈໃສ່ຈັດຕັ້ງປະຕິບັດ 3 ຂໍ້ແຂ່ງຂັນ ທີ່ກະຊວງສຶກສາທິການ ແລະ ກິລາ ວາງອອກ ໂດຍໃຫ້ມີການຈັດຕັ້ງຜັນຂະຫຍາຍທັງ 3 ເນື້ອໃນຄື: ສອນດີ-ຮຽນເກັ່ງ ຄູຕ້ອງໄດ້ເອົາໃຈໃສ່ສ້າງມາດຖານກະກຽມຄວາມພ້ອມກ່ອນການຂື້ນຫ້ອງສອນ ໂດຍເອົາໃຈໃສ່ໃນການແຕ່ງບົດສອນ,ປະດິດສ້າງສື່ການສອນທີ່ເເທດເໝາະກັບການສອນໃນແຕ່ລະວິຊາ, ຕ້ານ-ສະກັດກັ້ນປະກົດການຫຍໍ້ທໍ້ພາຍໃນໂຮງຮຽນ ບັນດາຄູກໍ່ຕ້ອງໄດ້ເອົາໃຈໃສ່ໃນການສິດສອນ ແລະ ພັດທະນາວຽກງານວິຊາການ ສົ່ງເສີມເຮັດໃຫ້ຜູ້ຮຽນ ແລະ ຜູ້ສອນ ເກີດການຮຽນຮູ້ທີ່ສະດວກສະບາຍໃນການຈັດການຮຽນ - ການສອນ ນອກນັ້ນການຈັດຕັ້ງຫຼັກສູດ ການຮຽນ - ການສອນ ຂອງແຕ່ລະຊັ້ນແຕ່ລະຂັ້ນຮຽນ ຕ້ອງໄດ້ເລີ່ມແຕ່ການສອນໃຫ້ຈົບຕາມໂຄງການຫຼັກສູດ ໂດຍຄູຕ້ອງມີວິທີການພັດທະນາຢ່າງປະດິດສ້າງໃນການສົ່ງຄວາມຮູ້, ບັນດາຄູ-ອາຈານ ຕ້ອງໄດ້ເພີ່ມທະວີຄວາມເອົາໃຈໃສ່ຍົກສູງ ຄວາມຮັບຜິດຊອບສ້າງຕົນເອງໃຫ້ກາຍເປັນ ຄູມືອາຊີບ ທີ່ພຽບພ້ອມທາງດ້ານຄວາມຮູ້,ຄວາມສາມາດ ແລະ ຄວາມຮັບຜິດຊອບຕໍ່ຄຸນນະພາບຂອງການສອນ

 

 

 

ຂ່າວໂດຍ: ແຫຼ່ງຄຳ ບຸດນາໂຄກ

ອັບຂ່າວໂດຍ: ໂອເລ້ ສິງຂາວເພັດ