ການເຄື່ອນໄຫວຕ່າງໆ

ແຈ້ງການທຶນການສຶກສາ

169782
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
253
172
1022
167370
3384
4987
169782
Your IP: 54.162.181.75
2017-09-21 21:13

 

          ສະຫະພັນຮາກ​ຖານ​ແມ່ຍິງ​ພະ​ແນ​ກ ສກຂ ຈັດ​ກອງ​ປະຊຸມ​ໃຫຍ່​ຄັ້ງ ທີ III

            ​ໃນ​ຕອນ​ເຊົ້າ​ວັນ​ທີ 2 ພະຈິກ ນີ້ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ( ສກຂ ) ​ໄດ້​ຈັດ​ກອງ​ປະຊຸມ​ໃຫຍ່ ສະຫະພັນ​ແມ່ຍິງ​ຮາກ​ຖານ ພະ​ແນ​ກສຶກສາ​ທິການ ​ແລະ ກິລາ ຄັ້ງ​ທີ III, ​ໂດຍ​​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ນາງ ດວງ​ມາລາ ສີສະ​ໜຸດ ຮອງ​ປະທານ​ສະຫະພັນ​ແມ່ຍິງ​ແຂວງ, ທ່ານ ສີ​ລິ​ສັກ ຖະໜອມ​ຮັກ ​ເລຂາ​ພັກ​ຮາກ​ຖານ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ທ່ານ ນາງ ວັນ​ມະນີ ບົວ​ໄລ ຄະນະໜ່ວຍສະຫະພັນ​ແມ່ຍິງ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ມີ​ໜ່ວຍ​ສະຫະພັນ​ແມ່ຍິງ​ອອ້ມຂ້າງ​, ຊາວຫ​ນຸ່ມ, ກຳມະບານ ພ້ອມ​ດ້ວຍ​ສະມາຊິກ​ແມ່ຍິງ ​ແລະ ​ແຂກ​ທີ່​ຖືກ​ເຊີນ​ເຂົ້າ​ຮ່ວມ.

            ​ໃນ​ພິທີ ທ່ານ ນາງ ວັນ​ມະນີ ບົວ​ໄລ ກໍ່​ໄດ້​ໃນ​ກຽດ​ຂຶ້ນ​ຜ່ານ​ບົດ​ລາຍ​ງານ​ການ​ເມືອງ​ຕໍ່​ກອງ​ປະຊຸມ​ໃຫຍ່​ຄັ້ງ​ທີ III ​ເຊິ່ງທ່ານ​ໄດ້​ກ່າວ​ວ່າ: ວຽກ​ງານ​ການ​ສຶກສາ​ອົບຮົມ​ການ​ເມືອງ​ແນວ​ຄິດ ​ແມ່ນ​ໄດ້​ປຸກລະດົມ​ໃຫ້​ສະມາຊິກ​ແມ່ຍິງ​ໄດ້​ຮ່ຳຮຽນ ​ແລະ​ເຊື່ອມ​ຊຶມ​ມະຕິ​ຄຳ​ສັ່ງ ຂອງ​ຄະນະ​ພັກ​ໃນ​ຂັ້ນ​ຕ່າງໆ, ວຽກ​ງານ​ປັບປຸງ​ການຈັດ​ຕັ້ງ, ກໍ່ສ້າງ​ພະນັກງານ ​ແລະ ນະ​ໂຍບາຍ​ໄດ້​ເອົາ​ໃຈ​ໃສ່​ປັບປຸງ​ແບບ​ແຜນ​ວິທີ​ເຮັດ​ວຽກຂອງ​ຮາກ​ຖານ​ຢ່າງ​ຕັ້ງໜ້າ, ​ວຽກ​ງານ​ປົກ​ປ້ອງ​ສິດຜົນປະ​ໂຫຍ​ດ​ແມ່ຍິງ ​ແລະ ​ເດັກນ້ອຍ​ແມ່ນ​ໄດ້​ເອົາ​ໃຈ​ໃສ່​ສຶກສາ​ອົບຮົມ​ລ້ຽງ​ດູ​ລູກ​ຫຼານ​ຂອງ​ຕົນ​ໃຫ້​ໄດ້​ເຂົ້າ​ຮ່ຳຮຽນ​ເມື່ອ​ຮອດ​ເກນ​ອາຍຸ, ຈາກ​ນັ້ນ​ກໍ່ຍັງ​ໄດ້​ຮັບ​ນະ​ໂຍບາຍ​ພັກຜ່ອນ​ໃນ​ເວລາ​ເຈັບ​ເປັນ, ປະສູດ​ລູກ ​ແລະ ​ໄດ້​ຮັບ​ການ​ເລື່ອນ​ຊັ້ນ​ຂັ້ນ​ເງິນ​ເດືອນ​ປົກກະຕິ​ຕາມ​ລະບຽບ​ລັດຖະກອນ, ວຽກ​ງານ​ພັດທະນາ​ຊີວິດ​ການ​ເປັນ​ຢູ່​ຂອງ​ແມ່ຍິງ ​ແລະ ຄອບຄົວ​ເພື່ອ​​ແກ້​ໄຂ​ຄວາມທຸກ​ຍາກ ​ໂດຍ​ປະຕິບັດ​ຕາມ​ແນວທາງ​ຂອງ​ພັກ​ໃນ​ການ​ຍົກ​ສູງ​ນ້ຳ​ໃຈ​ກຸ້ມ​ຕົນ​ເອງ ​ແລະ ສ້າງ​ຄວາມ​ເຂັ້ມ​ແຂງ​ດ້ວຍ​ຕົນ​ເອງ​ເທື່ອ​ລະ​ກ້າວ, ສະມາຊິກ​ແມ່ຍິງ​​ໄດ້​ສ້າງເສດຖະກິດຄອບຄົວເພີ່ມພູນຜົນຜະລິດຫາລາຍໄດ້ເຂົ້າຄອບຄົວ ແລະ ພ້ອມກັນສ້າງຕັ້ງກອງທຶນເຂົ້າໃນຄັງແມ່ຍິງໃຫ້ຫຼາຍຂຶ້ນເພື່ອພັດທະນາ ແກ້ໄຂຊີວິດການເປັນຢູ່ຂອງສະມາຊິກເອື້ອຍນ້ອງແມ່ຍິງໃຫ້ດີຂຶ້ນ, ໜ່ວຍແມ່ຍິງສ້າງລາຍຮັບເຂົ້າຄັ້ງໃນໜ່ວຍໄດ້ທັງໜົດ ຈຳນວນ 11.348.000 ກີບ, ການຈັດຕັ້ງປະຕິບັດຂະບວນການແຂ່ງຂັນ 3 ດີ ແມ່ນໄດ້ແຕ່ງຕັ້ງຄະນະຮັບຜິດຊອບ ເຜີຍແຜ່ເນື້ອໃນຂໍ້ແຂ່ງຂັນ ແລະ ເປີດຂະບວນການແຂ່ງຂັນໃຫ້ຕິດພັນກັບແຜນພັດທະນາເສດຖະກິດ-ສັງຄົມ, ແຜນລົບລ້າງຄວາມທຸກຄວາມປະກອບສ່ວນຕ້ານ ແລະ ສະກັດກັ້ນປະກົດການຫຍໍ້ທໍ້ທີ່ເກີດຂຶ້ນຢູ່ໃນຖັນແຖວແມ່ຍິງ.

            ທ່ານຍັງໄດ້ກ່າວຕື່ມອີກວ່າ: ສຳລັບທິດທາງ ແລະ ແຜນການໃນຕໍ່ໜ້າແຕ່ປີ 2016 – 2019 ແມ່ນແນ່ໃສ່ສຶກສາອົບຮົມການເມືອງແນວຄິດໃຫ້ເອື້ອຍນ້ອງແມ່ຍິງພາຍໃນໜ່ວຍໃຫ້ມີຄວາມໜັກແໜ້ນຕໍ່ນະໂຍບາຍຂອງພັກ-ລັດ, ມີນ້ຳໃຈຮັກຊາດອັນສູງສົ່ງ, ມີສະຕິລະວັງຕົວເຄົາລົບກົດໜາຍ, ມີຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໜາຍມູນເຊື້ອວັດທະນະທຳອັນດີງາມຂອງຊາດ, ສາມາດພັດທະນາຕົນເອງ, ພັດທະນາຄອບຄົວ, ພັດທະນາການຈັດຕັ້ງ, ມີແບບແຜນການດໍາລົງຊີວິປອດໃສຂາວສະອາດ, ເພີ່ມທະວີຄວາມສາມັັກຄີເປັນເອກະພາບພາຍໃນໜູ່ຄະນະ ແລະ ເອື້ອຍນ້ອງແມ່ຍິງ, ຊຸກຍູ້ສົ່ງເສີມຄວາມສະເໜີພາບລະຫວ່າງຍິງ-ຊາຍ ແລະ ການພັດທະນາຄອບຄົວ, ເຜີຍແຜ່ເນື້ອໃນຂໍ້ແຂ່ງຂັນ3 ດີໃຫ້ເປັນຂະບວນການ. ສູ້ຊົນສ້າງບຸກຄົນ 3 ດີໃຫ້ໄດ້ 95%, ແລະສ້າງໜ່ວຍ 3 ດີໃຫ້ໄດ້100%.

            ຈາກ​ນັ້ນ​ໃນ​ພິທີກໍ່ຍັງ​ໄດ້​ຮັບ​ຟັງ​ການ​ໂອ້​ລົມ​ຈາກ​ທ່ານ​ນາງ ດວງ​ມາລາ ສີ​ສະໜຸດ ຮອງ​ປະທານ​ສະຫະພັນ​ແມ່ຍິງ​ແຂວງ ​ເຊິ່ງທ່ານ​ກໍ່​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຕໍ​ຜົນງານ​ຂອງ​ເອື້ອຍ​ນ້ອງ​ແມ່ຍິງ​ທີ່​ສາມາດ​ຍາດ​ມາ​ໄດ້ ​ແລະ ​ໃຫ້​ສືບ​ຕໍ່​ຈັດ​ຕັ້ງ​ປະຕິບັດ​ວຽກງານ 3 ດີ​ຂອງ​ແມ່ຍິງ​ໃຫ້​ປະກົດ​ຜົນ​ເປັນ​ຈິງ.