ການເຄື່ອນໄຫວຕ່າງໆ

ແຈ້ງການທຶນການສຶກສາ

187103
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
204
235
919
183399
6547
8621
187103
Your IP: 54.198.210.67
2017-11-22 14:25

 ໜ່ວຍ​ຊາວ​ໜຸ່ມພະ​ແນ​ກ ສກຂ ສາລະ​ວັນປະກາດ ແລະ ຮັບຮອງໜ່ວຍຕົວແບບ 4 ບຸກ 

          ​ໃນ​ຕອນ​​ເຊົ້າຂອງ​ວັນ​ທີ 26 ພຶດສະພາ 2016 ນີ້, ທີ່​ຫ້ອງ​ປະຊຸມພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ( ສກຂ ) ​ໄດ້​ຈັດ​ພິທີປະກາດ ​ແລະ ຮັບຮອງ​ໜ່ວຍ​ຕົວ​ແບບ 4 ບຸກຂອງ​ໜ່ວຍ​ຂອງ​ໜ່ວຍ​ຊາວ​ໝຸ່ມພະ​ແນ​ກສຶກສາ​ທິການ ​ແລະ ກິລາ​ແຂວງ ​ໂດຍ​ເປັນ​ກຽດ​ເຂົ້າ​ຮ່ວມ​ຂອງ ສີ​ລິ​ສັກ ຖະໜອມ​ຮັກ ຫົວ​ນ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ​ທ່ານ ສຸ​ວຽງ​ທອງ ສຸຂະ​ວົງ ຮອງ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ, ທ່ານ ​ເສົາ​ສະໜາ​ນ ​ເຫຼົາ​ສະ​ດິດ ​​ເລຂາ​ໜ່ວຍ​ຊາວ​ໜຸ່ມ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ, ມີ​ບັນດາ​ໜ່ວຍ​ຊາວ​ໝຸ່ມອ້ອມ​ຂ້າງ, ​ແລະ ສຳມະ​ຊິກ​ຊາວ​ໜຸ່ມ​ພະ​ແນ​ກ ສກຂ ​ເຂົ້າ​ຮ່ວມ​ຢ່າງ​ພ້ອມພຽງ.

          ​ໃນ​ພິທີ ທ່ານ ​ນົງຄານ ບຸນ​ມະນີ ກໍ່​ໄດ້​ໃຫ້​ກຽດ​ຂຶ້ນ​ຜ່ານ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ຂໍ້​ແຂ່ງຂັນ 4 ບຸກ ​ແລະ ທິດ​ທາງ​ແຜນການ​ເຄື່ອນ​ໄຫວ​ວຽກ​ງານ 4 ບຸກຂອງ​ໜ່ວຍ​ຊາວ​ໜຸ່ມ​ພະ​ແນ​ກສຶກສາ​ທິການ​ແລະ​ກິລາ​ ​ເຊິ່ງບາງ​ຕອນ​ທ່ານ​ໄດ້​ກ່າວ​ວ່າ: ໜ່ວຍ​ຊາວ​ໜຸ່ມ​ພະ​ແນ​ກ ສກຂ ສາລະ​ວັນ​ໄດ້​ເຕົ້າ​ລວມຊາວ​ໜຸ່ມ​ຈາກ 3 ພາກສ່ວນ​ຄື: ຊາວ​ໜຸ່ມ​ພະ​ແນ​ກສຶກສາ, ຊາວ​ໜຸ່ມ​ຫ້ອງການ​ກິລາ ​ແລະ ຊາວ​ໜຸ່ມ​ສູນ​ໄອ​ຊີ​ທີ​ ​ເຂົ້າ​ເປັນ​ໜ່ວຍ​ດຽວ, ມີ​ສະມາຊິກ​ທັງ​ໜົດ 38 ສະຫາຍ, ຍິງ 13 ສະຫາຍ, ຜ່ານ​ການຈັດ​ຕັ້ງ​ປະຕິບັດ​ຂະ​ບວນການ 4 ບຸກ​ຄື: ບຸກດ້ານ​ແນວ​ຄິດ, ບຸກດ້ານ​ການ​ຝຶກ​ຝົນ​ຫຼໍ່ໍ່ອມຮ່ຳຮຽນ, ບຸກດ້ານ​ການຈັດ​ຕັ້ງ​ແລະ ບຸກດ້ານ​ວິຊາ​ຊີບ, ສ້າງ​ວຽກ​ເຮັດ​ງານ​ທຳ ແມ່ນ​ໄດ້​ສ້າງ​ສະມາຊິກ​ຊາວ​ໜຸ່ມ​ໃຫ້​ມີ​ນ້ຳ​ໃຈ​ຮັກ​ຊາດ, ຮັກ​ລະບອບ​ໃໝ່, ຍົກ​ສູງ​ສະຕິ​ຕໍ່​ຊາດ, ​ເປັນ​ເຈົ້າ​ຕົນ​ເອງ, ​ເຮັດ​ໃຫ້​ຊາວ​ໜຸ່ມ​ມີ​ຄວາມ​ເຂັ້ມ​ແຂງ​ທາງ​ດ້ານ​ການ​ເມືອງ​ແນວ​ຄິດ, ​ເສີມ​ຂະຫຍາຍ​ສະຕິ​ປັນຍາ, ຫົວຄິດ​ປະດິດ​ສ້າງ, ຕ້ານ ​ແລະ ສະກັດ​ກັ້ນ​ທຸກ​ປະກົດ​ຫຍໍ້​ທໍ້​ຕ່າງໆ​, ​ເຕົ້າ​ໂຮມ​ທຸກ​ກຳລັງ​ແຮງ​ຂອງ​ຊາວ​ໝຸ່ມທຸກ​ພາກສ່ວນ​ໃນ​ສັງຄົມ​ເຂົ້າ​ຮ່ວມ​ປະຕິບັດ​ແນວທາງ​ນະ​ໂຍບ​ສຍຂອງ​ພັກ ລະບຽບ​ກົດ​ໜາຍ​ຂອງ​ລັດ ​ແລະ ​ແຜນ​ພັດທະນາ​ເສດຖະກິດ​ສັງຄົມ​ຢ່າງ​ເປັນ​ຂະ​ບວນ, ພ້ອມ​ທັງ​ປະຕິບັດ 2 ໜ້າ​ທີ່​ຍຸດ​ທະ​ສາດ​ຄື ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ສາມາດ​ຕີ​ລາຄາ​ການຈັດ​ຕັ້ງ​ປະຕິບັດ​ຂໍ້​ແຂ່ງຂັນ 4 ບຸກຄື ທາງ​ດ້ານ​ແນວ​ຄິດ ຊາວ​ໜຸ່ມ​ແຕ່​ລະສະ​ຫາຍ​ມີ​ແນວ​ຄິອຸ່ນ​ອ່ຽງທຸ່ນ​ທ່ຽງ​, ມີ​ແນວ​ຄິດ​ຮັກ​ຊາດ ​ເຊື່ອ​ໜັ້ນຕໍ່​ການ​ນຳພາ​ຂອງ​ພັກ, ບຸກດ້ານ​ການຝຶກຝົນ​ຫຼໍ່​ຫຼອມ​ຮ່ຳຮຽນເອົາຄວາມຮູ້ຄວາມສາມາດ ທາງດ້ານວັດທະນະທຳ ດ້ານວິຊາສະເພາະ, ວິຊາຊີບ ແລະ ວິທະຍາສາດໃໝ່ໆ, ຮ່ໍາຮຽນໃຫ້ຮູ້ນໍາໃຊ້ວິທະຍາສາດເຕັກໂນໂລຊີທີ່ທັນສະໄໜຂອງໂລກ,ຮ່ຳຮຽນພາສາຕ່າງປະເທດ,ຮ່ຳຮຽນປະຫວັດສາດຂອງຊາດ, ຄຸນສົມບັດສິນທໍາປະຕິວັດ, ມູນເຊື້ອຄວາມດຸໜັ່ນ - ຄວາມສາມັກຄີຂອງປະຊາຊົນບັນດາເຜົ່າ. ບຸກດ້ານວຽກງານການຈັດຕັ້ງ ໄດ້ມີການເຕົ້າລວມ ແລະ ແບ່ງຄວາມຮັບຜິດຊອບອອກເປັນ 4 ຈຸເພື່ອສະດວກໃນການຕິດຕາມ ແລະ ສໍາຫຼວດກວດກາຕຳນິກໍ່ສ້າງເຊິ່ງກັນ ແລະ ກັນ ຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວສະມາຊິກຊາວໜຸມ ແລະ ໄດ້ໄດ້ເຄື່ອນຕາມການຈັດຕັ້ງຂອງຕົນສັງກັດເປັນຢ່າງດີ, ບຸກດ້ານວິຊາຊີບ ແລະ ສ້າງວຽກເຮັດງານທຳ ສະມາຊິກຊາວໜຸ່ມໃນໜ່ວຍມີອາຊີບທີ່ໜັ້ນຄົງກຸ້ມຕົນເອງ ແລະ ຄອບຄົວ, ມີແບບແຜນການດຳລົງຊີວິດທີ່ຖືກຕ້ອງຕາມລະບຽບກົດໜາຍບ້ານ - ເມືອງ, ມີແບບແຜນວິທີເຮັດວຽກທີ່ເປັນ ລະບົບ.

            ສ່ວນ​ຄະ​​ແນນ​ໃນ​ແຕ່​ລະ​ດ້ານ​ແມ່ນ ດ້ານ​ແນວ​ຄິດ 85%, ດ້ານ​ການ​ຝຶກ​ຝົນ​ຫຼໍ່​ຫຼອມ 85%, ດ້ານ​ການຈັດ​ຕັ້ງ 82%, ດ້ານ​ວິຊາ​ຊີບ - ສ້າງ​ວຽກ​ເຮັດ​ງານ​ທຳ 82%.

            ສຳລັບທິດທາງແຜນການໃນຕໍ່ໜ້າທ່ານ ນົງຄານ​ ບຸນ​ມະນີ ໄດ້ກ່າວຕື່ມອີກວ່າ: ຈະສືບຕໍ່ເພີ່ມທະວີສຶກສາອົບຮົມແນວຄິດການເມືອງ ແລະ ກໍ່ສ້າງຊາວໜຸ່ມເຍົາວະຊົນໃຫ້ມີນໍ້າໃຈຮັກຊາດ ຮັກລະບອບໃໝ່ ເຊື່ອໜັ້ນຕໍ່ການນຳພາຂອງພັກ,ສ້າງໃຫ້ຊາວໜຸ່ມມີຫົວຄິດປະດິດສ້າງ, ມີຄວາມຮັບຜິດຊອບຕໍ່ໜ້າທີ່ຂອງຕົນ, ຍົກລະດັບຄວາມຮູ້ຄວາມສາມາດຂອງສະມາຊິກໃຫ້ດີຂຶ້ນທາງດ້ານທິດສະດີ ແລະ ວິຊາສະເພາະ, ສູ້ຊົນທຸກວິທີເພື່ອໃຫ້ຊາວໜຸ່ມມີອາຊີບເສີມ, ພັດທະນາຄອບຄົວໃຫ້ມີຢູ່ມີກິນ ເປັນຄອບຄົວທີ່ມີຄວາມອົບອຸ່ນສົມບູນ ແລະ ເປັນຄອບຄົວຕົວແບບທາງວັດທະນະທຳ, ເພີ່ມທະວີຄວາມສາມັກຄີພາຍໃນໃຫ້ເລິກເຊິ່ງ - ພາຍນອກໃຫ້ກວ້າງຂວາງ ແນ່ໃສ່ເພື່ອເຮັດໃຫ້ການຈັດຕັ້ງມີຄວາມໜັກແໜ້ນມີຄວາມເຂັ້ມແຂງ ກາຍເປັນເສນາທິການ,ກາຍເປັນແຂນຂວາຂອງພັກ ເປັນກະດູກສັນຫຼັງຂອງປະເທດຊາດ.

            ໃນ​ພິທີກໍ່​ໄດ້​ມອບ​ໃບຍ້ອງຍໍຂັ້ນພະແນກສຶກສາທິການ ແລະ ກິລາ 10 ສະຫາຍ ຍິງ 2 ສະຫາຍ ໂດຍແມ່ນ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ ເປັນຜູ້ມອບ. ຍ້ອງຍໍຂັ້ນຄະນະບໍລິຫານງານຊາວໝຸ່ມປະຊາຊົນປະຕິວັດລາວ ຈຳນວນ 28 ສະຫາຍ ຍິງ 11 ສະຫາຍ ໂດຍແມ່ນທ່ານ ສຸ​ວຽງ​ທອງ ສຸຂະ​ວົງ ຮອງ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ ​ເປັນ​ຜູ້​ມອບ.

            ຈາກ​ນັ້ນ ກໍ່​ໄດ້​ມອບ​ໃບຢັ້ງຢືນ​ໜ່ວຍ​ຊາວ​ໜຸ່ມ​ພະ​​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ​ເປັນ​ໜ່ວຍ​ຊາວ​ໜຸ່ມ​ຕົວ​ແບບ 4 ບຸກ ປະຈຳ​ປີ 2016 ​ໂດຍ​​ແມ່ນ​ຜ່ານ​ການຈັດ​ຕັ້ງ​ປະຕິບັດ​ໃນ​ໄລຍະ​ຜ່ານ​ມາ​ຂອງ​ສາມະ​ຊິກ​ຊາວ​ໜຸ່ມປະຊາຊົນ​ປະຕິວັດ​ລາວ​ທີ່​ສາມາດ​ຍາດ​ໄດ້​ໄຊຊະນະ ​ແລະ ຜົນງານ​ອັນ​ຍິ່ງ​ໃຫຍ່ ​ແລະ ພ້ອມ​ກັນ​ຈັບ​ມື​ກັນ​ເພື່ອ​ສືບ​ຕໍ່​ຈັດ​ຕັ້ງ​ປະຕິບັດ​ຂໍ້​ແຂ່ງຂັນ 4 ບຸກຂອງ​ຊາວ​ໜຸ່ມ​ໃຫ້​ປະກົດ​ຜົນ​ເປັນ​ຈິງ​ໃນ​ໄລຍະ​ຕໍ່​ໄປ.