ການເຄື່ອນໄຫວຕ່າງໆ

ແຈ້ງການທຶນການສຶກສາ

187131
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
232
235
947
183399
6575
8621
187131
Your IP: 54.198.210.67
2017-11-22 14:32

 ຊາວໜຸ່ມຮາກຖານພະແນກສຶກສາທິການ ແລະ ກິລາແຂວງ ສາລະວັນ

ສຳເລັດກອງປະຊຸມໃຫຍ່ ຄັ້ງທີ III

ໜ່ວຍຊາວໜຸ່ມຮາກຖານພະແນກສຶກສາທິການ ແລະ ກິລາແຂວງສາລະວັນ (ສກຂ) ໄດ້ສຳເລັດກອງປະຊຸມໃຫຍ່ ຄັ້ງທີ III ໃນອາທິດທີ່ຜ່ານມາທີ່ຫ້ອງປະຊຸມສູນ ໄອຊີທີ ຂອງແຂວງ ໂດຍເປັນກຽດເຂົ້າຮ່ວມເປັນປະທານຂອງ ທ່ານ ຈັນສີລອນ ສີສົມບູນ ກຳມະການພັກແຂວງ,ເລຂາຄະນະບໍລິຫານງານຊາວໜຸ່ມແຂວງ, ທ່ານ ເສົາສະໝານ ເຫຼົາສະດິດ ເລຂາໜ່ວຍຊາວໜຸ່ມຮາກຖານພະແນກສຶກສາທິການ ແລະ ກິລາ, ທ່ານ ສຸນີ ນາມມະບົວລີ ຄະນະພັກພະແນກ,ຫົວໜ້າຂະແໜງສະຖິຕິ-ແຜນການ, ມີຫົວໜ້າຂະແໜງ,ຮອງຂະແໜງ,ເລຂາໜ່ວຍຊາວໜຸ່ມຂອງພະແນກກຸ່ມວັດທະນະທຳ-ສັງຄົມ, ຫົວໜ້າຈຸ ແລະ ສະມາຊິກຊາວໜຸ່ມເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ນົງຄານ ບຸນມະນີ ຮອງເລຂາໜ່ວຍຊາວໜຸ່ມພະແນກ ໄດ້ຂື້ນຜ່ານບົດສະຫຼຸບໃນໄລຍະ 3 ປີຜ່ານມາ (2014-2017) ໄດ້ມີການເຄື່ອນໄຫວວຽກງານຢ່າງຈູດຈ້າວຫ້າວຫັນປະຕິບັດຕາມມະຕິຄຳສັ່ງ,ລະບຽບກົດໝາຍວາງອອກ, ເຊື່ອມຊືມແນວທາງນະໂຍບາຍຂອງພັກ-ລັດຢ່າງເນືອງນິດລຽນຕິດ, ກໍ່ສ້າງປັບປຸງຊາວໜຸ່ມຮາກຖານພະແນກສຶກສາທິການ ແລະ ກິລາແຂວງ ຢ່າງເຂັ້ມແຂງ ແລະ ປະຕິບັດຂະບວນການ 4 ບຸກ ໄດ້ຖືເອົາວຽກງານສຶກສາອົບຮົມການເມືອງແນວຄິດໃຫ້ແກ່ຖັນແຖວພະນັກງານກໍ່ຄືສະມາຊຸກຊາວໜຸ່ມພາຍໃນໜ່ວຍ ສ້າງແຜນງານໃນການອອກແຮງງານ ພ້ອມທັງປັບປຸງວຽກງານການຈັດຕັ້ງໃຫ້ພຽບພ້ອມເປັນເຈົ້າການໃນການຊຸກຍູ້ວຽກງານການສຶກສາ ແລະ ກິລາ ກໍ່ຄືເປັນເຈົ້າການໃນການພັດທະນາເສດຖະກິດ-ສັງຄົມໃຫ້ຫຼຸດພົ້ນອອກຈາກຄວາມທຸກຢາກ.

            ສຳລັບດ້ານວິຊາສະເພາະ ແມ່ນໄດ້ເອົາໃຈໃສ່ຢ່າງເອົາຈິງເອົາຈັງພະນັກງານ-ຄູອາຈານໄດ້ສິດສອນຖືກຕ້ອງການໂຄງການຫຼັກສູດຂອງກະຊວງສຶກສາທິການວາງອອກ, ພາຍ​ໃນ​ໜ່ວຍ​ມີ​ສະມາ​ຊິກທັງ​ໝົດ 41 ສ/ຫ, ຍິງ 17 ສ/ຫ, ຍົກ​ຍ້າຍ​ເຂົ້າ​ມາ​ໃໝ່ 4 ສ/ຫ, ຍິງ 2 ສ/ຫ, ມີຊາວ​ໜຸ່ມ​ອາສາ​ສະໝັກ​ຕະລຸມບອນ 4 ສ/ຫ, ຍິງ 1 ສ/ຫ ໄດ້ມີການເຕົ້າລວມ ແລະ ແບ່ງຄວາມຮັບຜິດຊອບກັນລະອຽດໃນແຕ່ລະຈຸ ມີການສຳຫຼວດກວດກາຕຳນິກໍ່ສ້າງຊ່ວຍ​ເຫຼືອເຊິ່ງກັນ ແລະ ກັນ ພ້ອມທັງເສຍເງິນສະຕິບຳລຸງເປັນ​​ປົກກະຕິ, ສະມາຊິກຊາວໜຸ່ມ​​ພະແນກໄດ້ເຂົ້າເຄື່ອນໄຫວໃນອົງການຈັດຕັ້ງພັກທັງໝົດ 11 ສ/ຫ, ຍິງ 2 ສ/ຫ ແລະ ກຳລັງຂະຫຍາຍມະຫາຊົນກ້າວໜ້າເຂົ້າເປັນສະມາຊິກພັກທັງໝົດ 8 ສ/ຫ, ຍິງ 4 ສ/ຫ, ໃນນີ້: ສະມາຊິກຊາວໜຸ່ມເປັນຫົວໜ້າຂະແໜງ 3 /, ຍິງ 0 ສ/ຫ; ເປັນຮອງຂະແໜງ 3 ສ/ຫ, ຍິງ 0 ສ/ຫ ແລະ ເປັນຫົວໜ້າໜ່ວຍງານ 4 ສ/ຫ, ຍິງ 2 ສ/ຫ. ໄດ້ນໍາພາສະມາຊິກຊາວໜຸ່ມເຄື່ອນໄຫວສ້າງຂະບວນການຕ່າງໆໂດຍຕິດພັນກັບການປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ ແລະ 4 ບຸກທະລຸຂອງພັກປະຊາຊົນປະຕິວັດລາວໃຫ້ປະກົດຜົນເປັນຈິງ ຈົນສາມາດປະກາດເປັນຊາວໜຸ່ມຕົວແບບ 4 ບຸກຢ່າງເປັນທາງການໄດ້ 1 ຄັ້ງ.

      ສະເພາະທິດທາງໃນຕໍ່ໜ້າແມ່ນຈະເພິ່ມທະວີການສຶກສາອົບຮົມ ແລະ ກໍ່ສ້າງຊາວໜຸ່ມ-ໄວໜຸ່ມໃຫ້ມີນ້ຳໃຈຮັກຊາດ ຮັກລະບອບໃໝ່, ຮູ້ເຄົາລົບນັບຖືວັດທະນະທໍາຮີດຄອງປະເພນີອັນດີງາມຂອງຊາດ, ເຊື່ອໝັ້ນຕໍ່ການນຳພາຂອງພັກ, ເຊີດຊູຄວາມສາມັກຄີເປັນປຶກແຜ່ນແໜ້ນໜາໃນການເຕົ້າໂຮມຊາວໜຸ່ມ-ໄວໜຸ່ມເປັນກ້ອນກໍາລັງອັນເຂັ້ມແຂງຂອງພັກ, ເອົາໃຈໃສ່ສ້າງຂະບວນການຕ່າງໆໃຫ້ກວ້າງຂວາງ ຟົດຟື້ນມ່ວນຊື່ນ, ສະກັດກັ້ນ ແກ້ໄຂຄວາມທຸກຍາກ ແລະ ປະກົດການຫຍໍ້ທໍ້ໃນຖັນແຖວຊາວໜຸ່ມ-ເຍົາວະຊົນ. ສືບຕໍ່ເກັບກຳສະຖິຕິສະມາຊີກຊາວໜຸ່ມເຂົ້າ-ອອກພາຍໃນໜ່ວຍ, ຕິດຕາມກວດກາການເສຍເງີນສະຕິບໍາລຸງຢ່າງເປັນປົກກະຕິ, ປັບປຸງການຈັດຕັ້ງໜ່ວຍ, ຈຸໜ່ວຍໃຫ້ມີຄວາມເຂັ້ມແຂງ ແລະ ສອດຄ່ອງຕາມພາລະບົດບາດ, ສິດໜ້າທີ່ດຳເນີນລະບອບສ່ອງແສງລາຍງານເປັນປົກກະຕິພາຍໃຕ້ການຊີ້ນໍາໆພາຂອງພັກ.ສູ້ຊົນສ້າງໃຫ້ສະມາຊິກຊາວໜຸ່ມໃຫ້ໄດ້ເຂົ້າຮຽນສະໜັບສະໜູນ, ຮຽນລະບຽບພັກ ແລະ ເຂົ້າອົງ ການຈັດຕັ້ງພັກໃຫ້ໄດ້ຫຼາຍສະຫາຍ ພ້ອມທັງຍົກລະດັບຄວາມຮູ້ທາງທິດສະດີ ແລະ ວິຊາສະເພາະໃຫ້ໄດ້ຫຼາຍ ເທົ່າທີ່ເຮັດໄດ້.ສືບຕໍ່ນໍາພາສະມາຊິກຊາວໜຸ່ມເຄື່ອນໄຫວສ້າງຂະບວນການຕ່າງໆໂດຍຕິດພັນກັບການປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ ແລະ 4 ບຸກທະລຸຂອງພັກປະຊາຊົນປະຕິວັດລາວໃຫ້ປະກົດຜົນເປັນຈິງ ຈົນສາມາດປະກາດເປັນຊາວໜຸ່ມຕົວແບບ 4 ບຸກໃນແຕ່ລະປີ. 

ນອກນັ້ນກອງປະຊຸມໄດ້ປ່ອນບັດຄັດເລືອກເອົາເລຂາໜ່ວຍຊາວໜຸ່ມຮາກຖານພະແນກສຶກສາທິການ ແລະ ກິລາແຂວງຊຸດໃໝ່ ເຊິ່ງມີຜູ້ລົງສະໝັັກຮັບເລືອກຕັ້ງ 5 ທ່ານ ແລະ ເລືອກເອົາ 3 ທ່ານ, ຜ່ານການປ່ອນບັດສາມາດຄັດເລືອກໄດ້ ທ່ານ ບຸນກ້ວງ ໄຊໂກສີ ເປັນເລຂາໜ່ວຍຊາວໜຸ່ມ, ທ່ານ ບຸນເກີດ ອິນທະນຸດ ເປັນຮອງເລຂາ ແລະ ທ່ານ ນ ພັນມະຫາ ສຸດທິຈັກ ເປັນຄະນະທັງເປັນປະທານກວດກາ ພ້ອມດຽວກັນນັ້ນຍັງໄດ້ຜ່ານຂໍ້ຕົກລົງຍ້ອງຍໍສະມາຊິກຊາວໜຸ່ມຜູ້ກ້າວໜ້າ ແລະ ມີຜົນງານໂດດເດັ່ນ ແລະ ມອບໃບຍ້ອງຍໍຂັ້ນເລຂາຄະນະບໍລິຫານງານຊາວໜຸ່ມແຂວງ ຈຳນວນ 28 ທ່ານ, ຍິງ 13 ທ່ານ ແລະ ຍ້ອງຍໍຂັ້ນຄະນະພັກພະແນກຈຳນວນ 13 ທ່ານ,ຍິງ 6 ທ່ານ ແລະ ຮັບຟັງການໂອ້ລົມຂອງທ່ານ ຈັນສີລອນ ສີສົມບູນ ກຳມະການພັກແຂວງ,ເລຂາຄະນະບໍລິຫານງານຊາວໜຸ່ມແຂວງອີກດ້ວຍ.

ຂ່າວໂດຍ: ອາຈານ ບຸນເກີດ ອິນທະນຸດ