ການເຄື່ອນໄຫວຕ່າງໆ

ແຈ້ງການທຶນການສຶກສາ

187117
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
218
235
933
183399
6561
8621
187117
Your IP: 54.198.210.67
2017-11-22 14:28

    ສາລະວັນສະ​ເຫຼີ​ມສະຫຼອງ​ວັນ​ຄູ​ແຫ່ງ​ຊາດ ຄົບຮອບ 23 ປີ ຢ່າງ​ຟົດ​ຟື້ນ

            ພະແນກສຶກສາທິການ ແລະ ກິລາແຂວງ ໂດຍຮ່ວມກັບຫ້ອງການສຶກສາທິການ ແລະ ກິລາ ເມືອງສາລະວັນ ຈັດງານສະ​ເຫຼີ​ມສະຫຼອງ​ວັນ​ຄູ​ແຫ່ງ​ຊາດ​ຄົບຮອບ 23 ປີ ( 7 ຕຸລາ 1994 ຫາ 7 ຕຸລາ 2017 )       ພິທີ​ສະ​ເຫຼີ​ມສະຫຼອງ​ວັນ​ຄູ​ແຫ່ງ​ຊາດ​ຄົບຮອບ 23 ປີ ​ເນື່ອງ​ໃນ​ໂອກາດ​ວັນ​ສຳຄັນ​ດັ່ງ​ກ່າວ ​ໄດ້​ມີ​ຂຶ້ນ​ໃນ​ວັນ​ທີ 4 ຕຸລາ 2017 ທີ່​ຫ້ອງປະຊຸມສະ​ໂມ​ສອນໃຫຍ່ແຂວງ, ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ທຶງ ຈອມມະນີ ເລຂາພັກເມືອງ ເຈົ້າເມືອງໆ ສາລະວັນ, ເປັນກຽດເຂົ້າຮ່ວມໃນພິທີມີທ່ານ ສີສຸວັນ ວົງຈອມສີ ເຈົ້າແຂວງໆ ສາລະວັນ ມີບັນດາພະ​ແນ​ກການອ້ອມຂ້າງແຂວງ, ຫ້ອງການ​ອ້ອມ​ຂ້າງ​ເມືອງ, ສະມາຄົມ​ພໍ່​ແມ່​ນັກຮຽນ ບໍລິສັດ ລັດ​ວິ​ສາ​ຫະກິດ ຄູ​ອາຈານ​ນ້​ອງນ້ອຍ​ນັກຮຽນຊາວ​ໝຸ່ມ - ​ເຍົາວະ​ຊົນ​ເຂົ້າ​ຮ່ວມ​ຢ່າງຫຼວງຫຼາຍ.

            ​ໂອກາດ​ດຽວ​ກັນ ໜູຄຳ ສີສະຫວັດ ຫົວໜ້າຫ້ອງການສຶກສາທິການ ແລະກິລາເມືອງ ສາລະວັນ ກໍ່ໄດ້ຂຶ້ນຜ່ານບົດສະຫຼຸບແລະ ທິດທາງແຜນການໂດຍຫຍໍ້ ເຊິ່ງບາງຕອນທາງໄດ້ກ່າວວ່າ: ໃນການຈັດຕັ້ງປະຕິບັດວຽກງານການສຶກສາແມ່ນໄດ້ຖືເອົາ 3 ແຜນງານໃຫຍ່ໃນຂະແໜງການສຶກສາຄື1, ແຜນງານຂະຫຍາຍໂອກາດການເຂົ້າຮຽນ, 2 ແຜນງານປັບປຸງຄຸນນະພາບ - ຄວາມສອດຄ່ອງ, 3 ແຜນງານບໍລິຫານ ແລະ ການຄຸ້ມຄອງການສຶກສາ ຜ່ານການຈັດຕັ້ງປະຕິບັດໄດ້ສະແດງໃຫ້ເຫັນໃນດ້ານຕ່າງໆເປັນຕົ້ນແມ່ນ ພາຍໃນເມືອງມີໂຮງຮຽນ 187 ແຫ່ງ, ໃນນີ້ໂຮງຮຽນລ້ຽງເດັກ-ອະນຸບານ 14 ແຫ່ງ, ໂຮງຮຽນປະຖົມ 153 ແຫ່ງ, ໂຮງຮຽນມັດທະຍົມຕອນຕົ້ນ 12 ແຫ່ງ, ໂຮງຮຽນມັດທະຍົມສົມບູນ 8 ແຫ່ງ ມີພະນັກງານ-ຄູອາຈານທັງນົດ 924 ຄົນ,ຄູອາສາສະໜັກ 116 ຄົນ, ອັດຕາເຂົ້າຮຽນເດັກ 0-2​ປີ ບັນລຸໄດ້3,8%, ອັດຕາເຂົ້າຮຽນເດັກ 3-4 ປີ ບັນລຸໄດ້ 21,1%, ອັດຕາເຂົ້າຮຽນເດັກ 3-5 ປີ ບັນລຸ 33,75%, ອັດຕາເຂົ້າຮຽນສຸດທິຊັ້ນປະຖົມ ປະຕິບັດໄດ້ 99,6%, ອັດຕາເຂົ້າຮຽນໃໝ່ສຸດທິຊັ້ນປະຖົມສຶກສາ ບັນລຸ 99,8%, ອັດຕາຄ້າງຫ້ອງຊັ້ນປະຖົມ 6%,ອັ ດຕາປະລະຊັ້ນປະຖົມ 7,7%, ອັດຕາລອດເຫຼືອ ປ 5 ປະຕິບັດໄດ້ 66,7%, ອັດຕາເຂົ້າຮຽນລວມຊັ້ນມັດທະຍົມຕອນຕົ້ນ 70,9%, ອັດຕາເຂົ້າຮຽນລວມຊັ້ນມັດທະຍົມຕອນປາຍ ປະຕິບັດໄດ້ 42,6%, ອັດຕາປະລະ ມຕົ້ນ 10,1%, ອັດຕາປະລະ ມປາຍ 4,5%,ອັດຕາຄ້າງຫ້ອງ ມຕົ້ນ 0,6%, ອັດຕາຄ້າງຫ້ອງ ມປາຍ 0,4%, ນອກຈາກນັ້ນຍັງໄດ້ຈັດການຮຽນ-ການສອນບໍາລຸງຍົກລະດັບການສຶກສາຊັ້ນປະຖົມ ແລະ ມັດທະຍົມຕົ້ນໃຫ້ແກ່ປະຊາຊົນໃນເກນອາຍຸ 15-40 ປີ, ໄດ້ເສີມສ້າງບຸກຄະລິກະພາບ ແລະ ສຸຂະອານາໄມໃຫ້ເດັກໃນເກນອາຍຸເຂົ້າຮຽນໂດຍເອົາວິຊາພາລະ-ສິລະປະເຂົ້າໃນການຮຽນ-ການສອນຕິດພັນກັບ 5 ຫຼັກມູນຂອງການສຶກສາ.

            ທ່ານ​ກໍ່​ໄດ້​ກ່າວ​ຕື່ມ​ອີກ​ວ່າ: ສຳລັບ​ທິດ​ທາງ​ແຜນການໃນສະເພາະໜ້າ ແລະ ຍາວນານ ເອົາໃຈໃສ່ສ້າງຂີດຄວາມສາມາດໃຫ້ແກ້ຜູ້ບໍລິຫານການສຶກສາໃນການຄຸ້ມຄອງບໍລິຫານການສຶກສາ, ຍົກລະດັບວິຊາສະເພາະໃນພະນັກງານ, ດັດສົມຄູຄືນໄໜ່ ແລະ ບັນຈຸໃຫ້ຖືກຕ້ອງ, ສ້າງ ແລະ ຂະຫຍາຍພື້ນຖານໂຄ່ງລ່າງສະຖານການສຶກສາໃນທຸກຊັ້ນຮຽນ, ຜູ້ບໍລິຫານການສຶກສາຕ້ອງໄດ້ປະຕິບັດ 3 ຂໍ້ແຂ່ງຂັນຂອງຂະແໜ່ງການສຶກສາ ແລະ ສ້າງໂຮງຮຽນຄຸນນະພາບຕາມມາດຕະຖານ.

 ​           ໃນ​ໂອ​ກາດ​ດຽວກັນ​ນັ້ນ ທ່ານ ທຶງ ຈອມມະນີ ເຈົ້າເມືອງໆ ສາລະວັນ ກໍ່​ໄດ້​​ໃຫ້​ກຽດ​ກ່າວ​ເຖິງ​ປະຫວັດ​ຄວາມ​ເປັນ​ມາ​ຂອງ​ວັນ​ຄູ​ແຫ່ງ​ຊາດ​ພ້ອມ​ທັງ​ຍົກ​ສູງ​ບົດບາດ​ຂອງ​ຄຳ​ວ່າ​ຄູ ເປັນການລະນຶກເຖິງຄຸນງາມຄວາມດີຂອງຄູລາວທີ່ໄດ້ມີເສຍສະຫຼະ, ມີຄວາມເອົາໃຈໃສ່ໃນການສິດສອນກໍ່ສ້າງລູກຫຼານລາວກໍ່ຄືຄົນລາວໃຫ້ມີຄວາມຮູ້ສະຫຼາດສ່ອງໃສນຳເອົາຄວາມຮູ້ມາພັດທະນາບ້ານເມືອງ ແລະ ປະເທດຊາດ ໃຫ້ມີການພັດທະນາຈົນເກີດຄວາມຈະເລີນຮຸ່ງເຮືອງເປັນກ້າວໆ, ຄຳວ່າ ຄູ ​ແມ່ນ​ຄຳ​ເວົ້າ​ສືບ​ທອດ​ກັນ​ມາ​ຫຼາຍ​ເຊັ່ນ​ຄົນ, ​ເຊິ່ງມີ​ຄວາມ​ໜາຍ​ເຖິງ​ຄົນ​ທີ່​ມີ​ຄວາມ​ຮູ້ ປະສົບ​ການ ​ແລະ ສາມາດ​ຖ່າຍ​ທອດ​ຄວາມ​ຮູ້​ຈາກ​ຜູ້​ຮູ້​ໄປ​ສູ່​ຜູ້​ຮູ້​ນັ້ນ​ເອີ້ນ​ວ່າ: ການ​ຮຽນ - ການ​ສອນ. ລູກ​ຫຼານ​ຂອງ​ປະຊາຊົນ​ບັນ​ດສ​ເຜົ່າ​ໄດ້​ເຂົ້າ​ຮ່ຳຮຽນຢູ່​ໂຮງຮຽນ, ພວກ​ເຮົາ​ໄດ້​ມີ​ຖັນ​ແຖວ​ຄູ ທີ່​ມີນ້ຳ​ໃຈ​ຮັກຫອມ​ປະ​ເທດ​ຊາດ, ມີ​ຄວາມ​ຮູ້​ຄວາມ​ສາມາດ​ປະກອບສ່ວນ​ກໍ່ສ້າງ​ປະ​ເທດ​ຊາດ ​ເພື່ອ​ນຳ​ເອົາ​ຄວາມ​ສົມ​ພູນ​ສຸກ​ມາສູ່​ປະຊາຊົນ ບັນດາ​ເຜົ່າ ຊື່​ສຽງ​ຂອງ​ຄູ​ໄດ້​ຕິດ​ພັນ​ກັບ​ຂະ​ບວນວິວັດ​ແຫ່ງ​ການ​ພັດທະນາ​ປະ​ເທດ​ຊາດ​ແຕ່​ລະສະ​ໄໜ.